അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
വയനാട്: വയനാട് കുറുക്കന്മൂലയില് ജനവാസ മേഖലയില് ഇറങ്ങിയ കടുവ ജില്ലയിലെ ഡേറ്റാ ബേസില് ഉള്പ്പെട്ടതല്ലെന്ന് സിസിഎഫ്. ഉത്തരമേഖലാ സിസിഎഫ് ഡി.കെ വിനോദ് കുമാര് കുറുക്കന്മൂലയില് എത്തി.
കടുവയെ പിടികൂടാൻ സാധ്യമായ എല്ലാ കാര്യങ്ങളും ചെയ്യുന്നുണ്ടെന്ന് സിസിഎഫ് ഡി.കെ വിനോദ് കുമാർ പറഞ്ഞു. കടുവയെ പിടികൂടാനുള്ള ശ്രമങ്ങൾ ഏകോപിപ്പിക്കുന്നതിൻ്റെ ഭാഗമായി ഉത്തരമേഖല സിസിഎഫ് ഡി.കെ വിനോദ് കുമാർ കുറുക്കന്മൂലയിൽ എത്തിയത്.
കടുവയുടെ ചിത്രങ്ങള് ദേശീയ കടുവാ സംരക്ഷണ അതോറിറ്റിക്ക് അയച്ചു. കടുവ കര്ണാടകയിലെ പട്ടികയില് ഉള്പ്പെട്ടതാണോ എന്ന് വ്യാഴാഴ്ച അറിയാന് സാധിക്കും.
അതിനിടെ കുറുക്കന്മൂല മേഖലയില് കടുവയുടെ പുതിയ കാല്പാടുകള് ഇന്ന് കണ്ടെത്തി. വനം വകുപ്പ് സ്ഥാപിച്ച കൂടിന് സമീപത്താണ് കാല്പാടുകള് കണ്ടെത്തിയത്. കടുവയെ പിടികൂടാന് വ്യാപക തെരച്ചില് തുടരുകയാണ്.
