അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കോഴിക്കോട്: മന്ത്രവാദ ചികിത്സക്കിടെ യുവതി മരിച്ചെന്ന് പരാതി. കോഴിക്കോട് കല്ലാച്ചി സ്വദേശി നൂർജഹാൻ ആണ് മരിച്ചത്. 44 വയസായിരുന്നു. ബന്ധുക്കളുടെ പരാതിയിൽ കോഴിക്കോട് വളയം പൊലീസ് അസ്വാഭാവിക മരണത്തിന് കേസെടുത്തു.
ആലുവയിലെ മന്ത്രവാദ ചികിത്സാകേന്ദ്രത്തിൽ വെച്ചായിരുന്നു യുവതി മരണപ്പെട്ടതെന്ന് ബന്ധുക്കൾ ആരോപിച്ചു. സംഭവവുമായി ബന്ധപ്പെട്ട ഭർത്താവ് ജമാലിമെതിരെ വളയം പൊലീസിൽ ബന്ധുക്കൾ പരാതി നൽകിയിട്ടുണ്ട്.
മന്ത്രവാദത്തിലൂടെ അസുഖം ഭേദപ്പെടുമെന്ന് പറഞ്ഞ് യുവതിക്ക് ഭർത്താവ് ചികിത്സ നിഷേധിച്ചെന്നും ബന്ധുക്കൾ നൽകിയ പരാതിയിൽ പറയുന്നു.
മൃതദേഹം വടകര താലൂക്ക് ആശുപത്രിയിലാണ്. പോസ്റ്റ്മാർട്ടം നാളെ നടക്കും.
