അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ന്യൂഡൽഹി: അഡ്വ. ജെബി മേത്തർ സംസ്ഥാന മഹിള കോൺഗ്രസിന്റെ പുതിയ അധ്യക്ഷയാകും. ജെബി മേത്തറിന്റെ നിയമനത്തിന് കോൺഗ്രസ് അധ്യക്ഷ സോണിയ ഗാന്ധി അംഗീകാരം നൽകി.
നിലവില് ആലുവ നഗരസഭ വൈസ് ചെയര്പേഴ്സണായ ജെബി മേത്തര് യൂത്ത് കോണ്ഗ്രസ് മുന് സംസ്ഥാന ജനറല് സെക്രട്ടറിയായിരുന്നു.
ലതികാ സുഭാഷ് പാര്ട്ടിയില് നിന്ന് രാജിവെച്ച ഒഴിവിലേക്കാണ് ജെബി മേത്തറുടെ നിയമനം. മഹിളാ കോണ്ഗ്രസ് അധ്യക്ഷയായിരുന്ന ലതികാ സുഭാഷ് കഴിഞ്ഞ നിയമസഭാ തിരഞ്ഞെടുപ്പ് വേളയിലാണ് പാര്ട്ടി വിട്ടത്. മാസങ്ങളായി മഹിളാ കോണ്ഗ്രസിന്റെ അധ്യക്ഷ പദവി ഒഴിഞ്ഞുകിടക്കുകയായിരുന്നു.
ലതിക ഇപ്പോൾ എൻസിപിയിലാണ്.
