പ്രതി ആറ്റില്‍ ചാടി മരിച്ച സംഭവം; രണ്ട് പൊലീസുകാര്‍ക്ക് സസ്‌പെന്‍ഷന്‍

തൊ​ടു​പു​ഴ: തൊടുപുഴയിൽ ലോക്കപ്പിൽ നിന്ന് പ്രതി ഇറങ്ങിയോടി ആറ്റിൽ ചാടി മരിച്ച സംഭവത്തില്‍ രണ്ട് പൊലീസുകാരെ സസ്‌പെന്‍ഡ് ചെയ്തു. എസ്‌ഐ ഷാഹുല്‍ ഹമീദ്, സിപിഒ നിഷാദ് എന്നിവര്‍ക്കെതിരെയാണ് നടപടി. എറണാകുളം റേഞ്ച് ഡിഐജിയാണ് സസ്‌പെന്‍ഡ് ചെയ്തത്. 

കോ​ലാ​നി പാ​റ​ക്ക​ട​വ് കു​ള​ങ്ങാ​ട്ട് ഷാ​ഫി കെ. ​ഇ​ബ്രാ​ഹിം(29)​ആ​ണ് മ​രി​ച്ച​ത്. വെ​ള്ളി​യാ​ഴ്ച രാ​വി​ലെ ഒ​ൻ​പ​തോ​ടെ​യാ​യി​രു​ന്നു സം​ഭ​വം. ക​ഴി​ഞ്ഞ 30ന് ​ന​ഗ​ര​ത്തി​ലെ ബാ​റി​ലെ സെ​ക്യൂ​രി​റ്റി ജീ​വ​ന​ക്കാ​ര​നെ മ​ർ​ദി​ച്ച കേ​സി​ലാ​ണ് പോ​ലീ​സ് ഇ​യാ​ളെ ക​സ്റ്റ​ഡി​യി​ലെ​ടു​ത്ത​ത്.

ക​സ്റ്റ​ഡി​യി​ലെ​ടു​ത്ത് സ്റ്റേ​ഷ​നി​ലെ​ത്തി​ച്ച ഷാ​ഫി​യെ സെ​ല്ലി​ലി​ട്ടെ​ങ്കി​ലും താ​ഴി​ട്ട് പൂ​ട്ടി​യി​രു​ന്നി​ല്ല. ഇ​തി​നി​ടെ അ​ക​ത്തു​നി​ന്നും സെ​ല്ലി​ന്‍റെ വാ​തി​ൽ തു​റ​ന്ന് ഇ​യാ​ൾ ഓ​ടു​ക​യാ​യി​രു​ന്നു​വെ​ന്നാ​ണ് പോ​ലീ​സ് പ​റ​യു​ന്ന​ത്. പോ​ലീ​സു​കാ​ർ പി​ന്നാ​ലെ ഓ​ടി​യെ​ത്തി​യെ​ങ്കി​ലും പോ​ലീ​സ് ക്വാ​ർ​ട്ടേ​ഴ്സി​ന് സ​മീ​പ​ത്ത് നി​ന്ന് ഇ​യാ​ൾ തൊ​ടു​പു​ഴ​യാ​റ്റി​ലേ​ക്ക് ചാ​ടു​ക​യാ​യി​രു​ന്നു.

കോതമംഗലത്ത് നിന്നെത്തിയ സ്കൂബ സംഘമാണ് തെരച്ചിൽ നടത്തിയത്. ഉച്ചയോടെ മൃതദേഹം ലഭിച്ചു. മൃതദേഹം തൊടുപുഴ ജില്ലാ ആശുപത്രിയിലേക്ക് മാറ്റി. തൊടുപുഴ ഫയർ ആൻറ് സെക്യൂ ടീമിലെ സ്കൂബ ടീം വണ്ടിപ്പെരിയാറിൽ പ്രത്യേക ഡ്യൂട്ടിയിലായതിനാൽ തെരച്ചിൽ വൈകി. ഇതോടെയാണ് കോതമംഗലത്ത് നിന്ന് മറ്റൊരു സംഘത്തെ വിളിച്ചു വരുത്തിയത്.