ഒമിക്രോൺ ബാധിതൻ രാജ്യം വിട്ട സംഭവം; ഗുരുതര വീഴ്ചയുണ്ടായെന്ന് ആരോഗ്യവകുപ്പ് റിപ്പോർട്ട്

ബം​ഗ​ളൂ​രു: ഒ​മി​ക്രോ​ണ്‍ ബാ​ധി​ച്ച ദ​ക്ഷി​ണാ​ഫ്രി​ക്ക​ൻ സ്വ​ദേ​ശി ഇ​ന്ത്യ വി​ട്ട സം​ഭ​വ​ത്തി​ൽ ഗു​രു​ത​ര വീ​ഴ്ച​യു​ണ്ടാ​യെ​ന്ന് ആ​രോ​ഗ്യ വ​കു​പ്പ് റി​പ്പോ​ർ​ട്ട്. ഉ​ദ്യോ​ഗ​സ്ഥ​രു​ടെ അ​നാ​സ്ഥ​യാ​ണ് കാ​ര​ണ​മെ​ന്നാ​ണ് റി​പ്പോ​ർ​ട്ടി​ൽ പ​റ​യു​ന്ന​ത്. ദ​ക്ഷി​ണാ​ഫ്രി​ക്ക​ൻ സ്വ​ദേ​ശി പ്രോ​ട്ടോ​ക്കോ​ൾ ലം​ഘി​ച്ചെ​ന്നും ആ​രോ​ഗ്യ വ​കു​പ്പ് ക​ണ്ടെ​ത്തി.

ഒമിക്രോൺ ബാധിതനായിരുന്ന ഇയാൾ ബെംഗളൂരുവിലെ ഒരു സ്വകാര്യ ലാബിൽ നിന്നാണ് വ്യാജ നെഗറ്റീവ് സർട്ടിഫിക്കറ്റ് സംഘടിപ്പിച്ചത്. ഇതിനായി 4,500 രൂപയും ചിലവാക്കി.

നി​രീ​ക്ഷ​ണ​ത്തി​ലി​രി​ക്കേ പു​റ​ത്തു​പോ​യി നി​ര​വ​ധി പേ​രു​മാ​യി ഇ​യാ​ൾ ബ​ന്ധ​പ്പെ​ട്ടു. ആ​രോ​ഗ്യ​വ​കു​പ്പ് മു​ഖ്യ​മ​ന്ത്രി​ക്ക് റി​പ്പോ​ർ​ട്ട് സ​മ​ർ​പ്പി​ച്ചു.
 
സം​ഭ​വ​ത്തി​ൽ ബം​ഗ​ളൂ​രു​വി​ലെ സ്വ​കാ​ര്യ ലാ​ബി​നെ​തി​രെ പോ​ലീ​സ് കേ​സെ​ടു​ത്തു. ദക്ഷിണാഫ്രിക്കൻ സ്വദേശി താമസിച്ച ബംഗ്ലൂരു ഷാംഗ്രിലാ ഹോട്ടലിന് കാരണം കാണിക്കൽ നോട്ടീസും അയച്ചു. കൊവിഡ് പ്രോട്ടോക്കോൾ ലംഘിച്ചതിനാണ് ഹോട്ടലിന് നോട്ടീസ് നൽകിയത്. കൊവിഡ് ബാധിതനായിട്ടും പുറത്ത് പോവാൻ അനുവദിച്ചതിലും വിശദീകരണം തേടി. 

ഇന്ത്യയിൽ ആദ്യമായി റിപ്പോർട്ട് ചെയ്ത രണ്ട് കേസുകളിൽ ഒന്ന് ഇയാളുടേതാണ്. ദക്ഷിണാഫ്രിക്കൻ പൗരനായ ഇയാൾക്ക് 66 വയസാണ് പ്രായം. സാമ്പിൾ പരിശോധന നടത്തുന്നതിനിടെയാണ് ഇയാൾ രാജ്യം വിട്ടത്. ഒമിക്രോൺ ബാധിതനാണെന്ന് തെളിയുമ്പോൾ ഇയാൾ ഇന്ത്യയിലുണ്ടായിരുന്നില്ല.

ജൊഹന്നാസ്ബർഗിലുള്ള ഫാർമസി കമ്പനിയിലെ ഉയർന്ന ഉദ്യോഗസ്ഥനാണ് ഇയാൾ. ബെംഗളൂരു വസന്ത്‌നഗറിലെ ഹോട്ടലിൽ ക്വാറന്റൈനിൽ ഇരിക്കവെ നവംബർ 27നാണ് രാജ്യം വിട്ടത്. രണ്ട് വാക്‌സിൻ ഡോസുകളും സ്വീകരിച്ചിട്ടുള്ള ഇയാൾ രോഗലക്ഷണങ്ങൾ പ്രകടപ്പിച്ചിരുന്നില്ല. അതിനാൽ സ്വയം നിരീക്ഷണത്തിൽ തുടരാനായിരുന്നു നിർദേശം. ഹൈ-റിസ്‌ക് വിഭാഗത്തിൽപ്പെട്ട രാജ്യത്ത് നിന്നും വന്നതിനാലാണ് സാമ്പിൾ ശേഖരിച്ച് വിദഗ്ധ പരിശോധനയ്‌ക്ക് അയച്ചത്.

എന്നാൽ നവംബർ 23ന് സ്വകാര്യ ലാബിലെത്തി നെഗറ്റീവ് സർട്ടിഫിക്കറ്റ് സംഘടിപ്പിച്ച ഇയാൾ 27ന് അർദ്ധരാത്രി ദുബായിലേക്ക് പോയി. ഇതിന് ശേഷമാണ് ഇയാൾക്ക് ഒമിക്രോൺ സ്ഥിരീകരിച്ചതായി റിപ്പോർട്ട് വന്നത്. ഇതോടെ ഇയാളുമായി നേരിട്ട് ഇടപഴകിയ 24 പേരെയും സെക്കൻഡറി പട്ടിയകയിലുള്ള 240 പേരെയും കണ്ടെത്തി പരിശോധന നടത്തി. എല്ലാവരുടെയും ഫലം നെഗറ്റീവാണെന്നത് ആശ്വാസകരമാണ്.