അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അമേരിക്ക ആസഥാനമായ പ്രശസ്തരായ റോബോട്ട് നിര്‍മാതാക്കളാണ് വിചിത്രമായ ഓഫറുമായി രംഗത്തുവന്നിരിക്കുന്നത്. പ്രോമോബോട്ട് എന്ന റോബോട്ടിക്സ് കമ്പനി അവരുടെ ഹ്യുമനോയ്ഡ് റോബോട്ട് അസിസ്റ്റന്‍റിന് വേണ്ടിയാണ് ഒരു ‘മുഖത്തെ’ തേടുന്നത്.നിങ്ങളുടെ മുഖത്തിന്‍റെ ആജീവനാന്ത റൈറ്റ്സ് അവര്‍ക്ക് നല്‍കുകയാണെങ്കില്‍ രണ്ട് ലക്ഷം ഡോളറാണ് (1.5 കോടി രൂപയോളം) വാഗ്ദാനം ചെയ്യുന്നത്.
ഹോട്ടലുകളിലും ഷോപ്പിങ് മാളുകളിലും ജോലി ചെയ്യുന്ന റോബോട്ടിനെയാണ് കമ്ബനി നിര്‍മിക്കുന്നത്. ദിവസേന ആയിരക്കണക്കിന് ആളുകളുമായി ഇടപഴകുന്നതും അവരെ സഹായിക്കുന്നതുമായ റോബോട്ടുകളെ 2023ന് മാളുകളിലും ഹോട്ടലുകളിലും വിന്യസിക്കാനാണ് കമ്ബനി ഉദ്ദേശിക്കുന്നത്.
അതേസമയം, ‘ദയാശീലനും സല്‍ഗുണനു’മെന്ന് തോന്നിക്കുന്ന മുഖമാണ് തങ്ങള്‍ക്ക് വേണ്ടതെന്ന് പ്രോമോബോട്ട് അറിയിച്ചിട്ടുണ്ട്. കൂടാതെ ആജീവനാന്തകാലത്തേക്ക് ആ മുഖത്തിന്‍റെ അവകാശം കമ്ബനിക്കായിരിക്കും. ഏത് പ്രായത്തിലുമുള്ള പുരുഷന്‍മാര്‍ക്കും സ്ത്രീകള്‍ക്കും അതിനായി അപേക്ഷയയക്കാം. തങ്ങളുടെ നിബന്ധനകള്‍ അംഗീകരിക്കാന്‍ കഴിയുന്ന ആളുകളില്‍ നിന്ന് മറുപടിക്കായി കാത്തിരിക്കുകയാണ് പ്രോമോബോട്ട്.
പ്രോമോബോട്ട് ഹ്യുമനോയ്ഡ് റോബോട്ടുകള്‍ക്ക് പേരുകേട്ട കമ്ബനിയാണ്. അഡ്‌മിനിസ്‌ട്രേറ്റര്‍മാര്‍, പ്രൊമോട്ടര്‍മാര്‍, കണ്‍സള്‍ട്ടന്റുകള്‍, ഗൈഡുകള്‍, സഹായികള്‍ തുടങ്ങി നിരവധി റോളുകളില്‍ പ്രവര്‍ത്തിക്കുന്ന കമ്ബനിയുടെ റോബോട്ടുകള്‍ ഇതിനകം 43 രാജ്യങ്ങളില്‍ പല മേഖലകളിലായി ഉപയോഗിക്കുന്നുണ്ട്.ഇത് കാഴ്ചവെക്കുന്നത് വടക്കേ അമേരിക്കയിലും മിഡില്‍ ഈസ്റ്റിലുമുള്ള വിമാനത്താവളങ്ങളിലും ഷോപ്പിംഗ് മാളുകളിലും റീട്ടെയില്‍ സ്റ്റോറുകളിലുമായിരിക്കും.
