അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: സംസ്ഥാനത്ത് മഴ കനത്തതിനെ തുടർന്ന് ഏഴ് ജില്ലകളില്‍ പ്രഫഷനല്‍ കോളജുള്‍പ്പെടെ വിദ്യാഭ്യാസസ്ഥാപനങ്ങള്‍ക്ക് ഇന്ന് അവധി പ്രഖ്യാപിച്ചു. കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍ ജില്ലകളിലാണ് അവധി.
കാസര്‍കോട് ജില്ലയില്‍ അവധി സ്കൂളുകള്‍ക്ക് മാത്രമാണ്. തിരുവനന്തപുരത്ത് കാട്ടാക്കട, നെടുമങ്ങാട് താലൂക്കുകളിലും നെയ്യാറ്റിന്‍കര താലൂക്കിലെ വിദ്യാഭ്യാസ സ്ഥാപനങ്ങള്‍ക്കും ഇന്ന് അവധി. കുട്ടികള്‍ സ്കൂളിലെത്താറാകുമ്പോഴാണ് കലക്ടറുടെ അവധി പ്രഖ്യാപനം.
എം ജി, കേരള, കാലിക്കറ്റ് സര്‍വകലാശാലകള്‍ ഇന്ന് നടത്താനിരുന്ന എല്ലാ പരീക്ഷകളും മാറ്റി. സാങ്കേതിക, ആരോഗ്യ, കുസാറ്റ്, കുഫോസ് സര്‍വകലാശാലകളും പരീക്ഷകള്‍ മാറ്റി. കാലിക്കറ്റ് സര്‍വകലാശാല ക്യാംപസില്‍ ഇന്ന് നടക്കുന്ന പിഎച്ച്ഡി പരീക്ഷകള്‍ക്ക് മാറ്റമില്ല.
