അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: കേരളവും ഇന്ധന നികുതി കുറയ്ക്കണമെന്ന് കെപിസിസി പ്രസിഡന്റ് കെ സുധാകരന്. നികുതി കുറച്ചില്ലെങ്കില് പ്രഖ്യാപിത സമരങ്ങളുമായി കോണ്ഗ്രസ് മുന്നോട്ടുപോകുമെന്നും സംസ്ഥാന സര്ക്കാരിൻ്റെ നിലപാട് അംഗീകരിക്കാന് കഴിയില്ലെന്നും കെ സുധാകരൻ മാധ്യമങ്ങളോട് പറഞ്ഞു.
എക്സൈസ് തിരുവ കുറച്ച് എണ്ണ വില കുറയ്ക്കാൻ കേന്ദ്ര സർക്കാർ നിർബന്ധിതമായത് രാജ്യമെമ്പാടും ഉയർന്നുവന്ന തീക്ഷ്ണമായ ജനകീയ പ്രതിഷേധത്തെ തുടർന്നാണെന്ന് കെ സുധാകരൻ പറഞ്ഞു. രാജ്യത്ത് നടന്ന ഉപതെരഞ്ഞെടുപ്പുകളിൽ ബിജെപിക്ക് പരാജയവും ഈ നീക്കത്തിന് കാരണമായി. കേരള സർക്കാരും അടിയന്തരമായി നികുതി കുറച്ച് ജനങ്ങൾക്ക് ആശ്വാസം പകരണം. ഉമ്മൻചാണ്ടി സർക്കാർ നേരത്തെ കാണിച്ച മാതൃക സംസ്ഥാന സർക്കാർ പിന്തുടരണമെന്ന് സുധാകരൻ ആവശ്യപ്പെട്ടു.
അതേസമയം, കേരളം ഇന്ധനനികുതി കുറക്കില്ലെന്ന് ധനമന്ത്രി കെ എൻ ബാലഗോപാൽ വ്യക്തമാക്കി. നികുതി കുറയ്ക്കാന് കേരളത്തിന് പരിമിതിയുണ്ട്. സംസ്ഥാനം കടുത്ത സാമ്പത്തിക പ്രതിസന്ധിയിലാണ്. ഈ വർഷം മാത്രം കേരളത്തിനുള്ള വിഹിതമായ 6400 കോടി രൂപയാണ് കേന്ദ്രം വെട്ടിക്കുറച്ചത്. 30 രൂപയിലധികമാണ് കേന്ദ്രം ഇന്ധനവില വർധിപ്പിച്ചത്.
കേന്ദ്രത്തിന്റേത് പോക്കറ്റടിക്കാരന്റെ രീതിയാണെന്നും മന്ത്രി പറഞ്ഞു. ഇന്ധനവിലയിൽ ആനുപാതികമായ കുറവ് കേരളത്തില് ഉണ്ടായിട്ടുണ്ട്. എന്നാല് കൂടുതല് കുറയ്ക്കാന് സംസ്ഥാന സര്ക്കാരിന് കഴിയില്ല. സാമൂഹിക ക്ഷേമ വകുപ്പുകള് നടപ്പിലാവണമെങ്കില് ഖജനാവില് പണം വേണം. ഇത് പോലുള്ള നികുതികള് കുറയ്ക്കാന് തീരുമാനിച്ചാല് ഖജനാവില് പണമുണ്ടാവില്ലെന്നും ധനമന്ത്രി പറഞ്ഞു.
============================================================================
വാര്ത്തകള് യഥാസമയം അറിയാന്…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
