അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സംസ്ഥാന സര്ക്കാരിന്റെ പരമോന്നത സാഹിത്യ ബഹുമതിയായ എഴുത്തച്ഛന് പുരസ്കാരം പി വത്സലയ്ക്ക്. അഞ്ചു ലക്ഷം രൂപയും പ്രശസ്തിപത്രവും അടങ്ങുന്നതാണ് പുരസ്കാരം . സാംസ്കാരിക മന്ത്രി സജി ചെറിയാന് ആണ് പ്രഖ്യാപിച്ചത്.
ചെറുകഥാകൃത്തും നോവലിസ്റ്റുമായ പി വത്സലയ്ക്കു കേരള സാഹിത്യ അക്കാദമി അവാർഡും ലഭിച്ചിട്ടുണ്ട്. മുട്ടത്തുവര്ക്കി പുരസ്കാരം, കുങ്കുമം അവാര്ഡ്, സി.എച്ച് അവാര്ഡ്, കഥ അവാര്ഡ്, പത്മപ്രഭ പുരസ്കാരം ഉള്പ്പെടെ നിരവധി പുരസ്കാരങ്ങള് ഇതിനോടകം ലഭിച്ചിട്ടുണ്ട്.
നെല്ല് ആണ് വത്സലയുടെ ആദ്യ നോവല്. ഇതു പിന്നീട് എസ്എല് പുരത്തിന്റെ തിരക്കഥയില് രാമു കാര്യാട്ട് സിനിമയാക്കി. നിഴലുറങ്ങുന്ന വഴികള് എന്ന കൃതിക്കു കേരള സാഹിത്യ അക്കാദമി പുരസ്കാരം ലഭിച്ചു. കേരള സാഹിത്യ അക്കാദമി അധ്യക്ഷയായി പ്രവര്ത്തിച്ചിട്ടുണ്ട്.ഗൗതമന്, അശോകനും അയാളും, മൈഥിലിയുടെ മകള്, ആദിജലം, വിലാപം, പോക്കുവെയില് പൊന്വെയില് തുടങ്ങി ഒട്ടേറെ കൃതികള് എഴുതിയിട്ടുണ്ട്.
