തര്‍ക്കങ്ങളെത്തുടര്‍ന്ന് യൂത്ത് ലീഗ് സംസ്ഥാന സെക്രട്ടേറിയറ്റ് രൂപീകരണം മാറ്റി

മലപ്പുറം: തര്‍ക്കങ്ങളെത്തുടര്‍ന്ന് യൂത്ത് ലീഗ്(Youth League) സംസ്ഥാന സെക്രട്ടേറിയറ്റ് രൂപീകരണം മാറ്റിവച്ചു. മലപ്പുറം, എറണാകുളം ജില്ലകള്‍ക്ക് അര്‍ഹമായ പ്രാതിനിധ്യം കിട്ടിയില്ലെന്ന് വിമര്‍ശനം ഉയര്‍ന്നതോടെയാണ് സെക്രട്ടേറിയറ്റ് രൂപീകരണം അടുത്ത കൗണ്‍സില്‍ യോഗത്തിലേക്ക് മാറ്റിയത്. ബുധനാഴ്ചയാണ് അടുത്ത യോഗം.

പുതിയതായി തിരഞ്ഞെടുക്കപ്പെട്ട യൂത്ത് ലീഗ് ഭാരവാഹികള്‍ക്ക് പുറമെ ആറുപേരെ കൂടി ഉള്‍പ്പെടുത്തിയാണ് സെക്രട്ടേറിയറ്റ് രൂപീകരിക്കുന്നത്. പുതിയ നയരേഖയിലെ നിര്‍ദേശമാണിത്. പക്ഷേ  ആദ്യശ്രമം തന്നെ തമ്മിലടിയില്‍ കലാശിച്ചു. നേരത്തെയുള്ള യൂത്ത് ലീഗ് കമ്മിറ്റിയില്‍ നിന്ന് ഒഴിവാക്കിയ കോഴിക്കോട് നിന്നുള്ള മൂന്നുപേര്‍, പാലക്കാട് നിന്നുള്ള ഒരാള്‍, എം എസ് എഫ്(MSF) ദേശീയ പ്രസിഡന്റ് കൂടിയായിരുന്ന ടി പി അഷ്റഫലി, കാസര്‍കോട് നിന്നുള്ള ടി ഡി കബീര്‍ ഇവരെയാണ് സെക്രട്ടേറിയറ്റ് അംഗങ്ങളായി നിര്‍ദേശിച്ചത്. 

ഇതോടെ മലപ്പുറത്തിനും  എറണാകുളത്തിനും  പ്രാതിനിധ്യം കിട്ടിയില്ലെന്ന് ആരോപിച്ച് രണ്ടിടത്തേയും കൗണ്‍സില്‍ അംഗങ്ങള്‍ വിമര്‍ശനവുമായി രംഗത്തെത്തി. ടി പി അഷ്റഫലി മലപ്പുറത്ത് നിന്നാണെങ്കിലും വിമര്‍ശനം ഉയര്‍ത്തിയവര്‍ അദ്ദേഹത്തെ അനുകൂലിക്കുന്നില്ല. തര്‍ക്കം രൂക്ഷമായതോടെ വിശദമായി ആലോചിച്ച് മാത്രം സെക്രട്ടേറിയറ്റ് രൂപീകരിച്ചാല്‍ മതിയെന്ന് പറഞ്ഞ് ലീഗ് ജനറല്‍ സെക്രട്ടറിയും റിട്ടേണിങ് ഓഫീസറുമായ പി എം എ സലാം ചര്‍ച്ച അവസാനിപ്പിച്ചു.

യൂത്ത് ലീഗ് പുതിയ കമ്മിറ്റിയില്‍ പതിനൊന്ന് പേരേയുള്ളു. ഓരോ ജില്ലയ്ക്കും ഓരോരുത്തര്‍ക്ക് ചുമതലകൊടുക്കാന്‍ പോലും അളെണ്ണമില്ല. ഇതോടെയാണ് സെക്രട്ടേറിയറ്റ് അംഗങ്ങളെകൂടി തിരഞ്ഞെടുക്കുന്നത്.

================================ വാര്‍ത്തകള്‍ യഥാസമയം അറിയാന്‍… Join Anweshanam WhatsApp Group https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube https://youtube.com/c/Anweshanamlive Follow Anweshanam Google News https://rb.gy/0tbxgdagain/cid4795157.htm Follow Anweshanam Dailyhunt https://m.dailyhunt.in/news/india/malayalam/anweshanam-epaper-anwe