അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കോൺഗ്രസ് മുൻ അധ്യക്ഷയും രാജ്യസഭാംഗവുമായ സോണിയ ഗാന്ധി ഇൻസ്റ്റാഗ്രാമിൽ ഔദ്യോഗിക അക്കൗണ്ട് തുറന്നു. സർക്കാർ വിരുദ്ധ പ്രക്ഷോഭങ്ങളിൽ യുവജനങ്ങളുടെയും സമൂഹമാധ്യമങ്ങളുടെയും പങ്ക് നിർണായകമാകുന്ന പശ്ചാത്തലത്തിലാണ് 79കാരിയായ സോണിയ ഗാന്ധി ഇൻസ്റ്റാഗ്രാമിൽ സജീവമായിരിക്കുന്നത്.
ചുരുങ്ങിയ സമയത്തിനുള്ളിൽ പതിനായിരത്തിലേറെ ആളുകളാണ് സോണിയ ഗാന്ധിയെ ഇൻസ്റ്റാഗ്രാമിൽ ഫോളോ ചെയ്യാൻ തുടങ്ങിയത്.
കോൺഗ്രസിന്റെ ഔദ്യോഗിക അക്കൗണ്ട്, രാഹുൽ ഗാന്ധി, പ്രിയങ്ക ഗാന്ധി എന്നിവരുടെ അക്കൗണ്ടുകളെ മാത്രമാണ് നിലവിൽ അവർ ഫോളോ ചെയ്യുന്നത്.
പുറത്തിറങ്ങാനിരിക്കുന്ന തന്റെ ഓര്‍മപ്പുസ്‌കതകമായ ‘ബിലോങ്ങിങ്: എ ജേണി ഓഫ് ലവ്’ ആണ് ആദ്യ പോസ്റ്റ്.പുസ്തകത്തെ കുറിച്ചുള്ള ഒരു ഹ്രസ്വ വീഡിയോ ഇന്‍സ്റ്റ സ്‌റ്റോറിയായും ഇട്ടിട്ടുണ്ട്.
‘എല്ലാവര്‍ക്കും നമസ്‌കാരം, ‘ബിലോങ്ങിങ്: എ ജേര്‍ണി ഓഫ് ലൗ’ എന്ന പുസ്തകത്തിന്റെ ഫസ്റ്റ് ലുക്ക് നിങ്ങളുമായി പങ്കുവെക്കാന്‍ കഴിയുന്നതില്‍ ഏറെ സന്തോഷവും നന്ദിയുമുണ്ട്. സ്‌നേഹം, ചുമതല, നഷ്ടം, സ്വന്തമെന്ന് തോന്നുന്ന ഒരിടം കണ്ടെത്താനുള്ള യാത്ര എന്നിവയുടെ കഥയാണിത്. പുസ്തകം നിങ്ങളുമായി പങ്കുവെക്കാന്‍ കാത്തിരിക്കുകയാണ്.’ -സോണിയ പറയുന്നു. വരുന്ന നവംബറിലാണ് പുസ്തകം പുറത്തിറങ്ങുക.
