അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: കല്ലാറില്‍ കുട്ടിയാനയെ ചരിഞ്ഞ നിലയില്‍ കണ്ടെത്തി. നക്ഷത്ര വനത്തിനകത്താണ് കുട്ടിയാനയെ കണ്ടെത്തിയത്. വനം വകുപ്പ് ഉദ്യോഗസ്ഥര്‍ എത്തി അന്വേഷണം ആരംഭിച്ചു. മഴവെള്ളത്തില്‍ ഒലിച്ച്‌ വന്നതെന്നാണ് പ്രാഥമിക നിഗമനം.
രാവിലെ ആദിവാസി കോളനിയിലെ കുട്ടികളാണ് ആനയെ കണ്ടത്. തുടര്‍ന്ന് നാട്ടുകാര്‍ വനം വകുപ്പിനെ വിവരം അറയിക്കുകയായിരുന്നു. പരുത്തിപ്പള്ളി റെയ്ഞ്ച് ഓഫീസിലെ ഉദ്യോഗസ്ഥര്‍ എത്തി നടത്തിയ പരിശോധനയിലാണ് ഏകദേശം 3 വയസ് പ്രായം വരുന്ന കുട്ടിയാനയാണ് ചരിഞ്ഞതെന്ന് തിരിച്ചറിഞ്ഞത്.
കനത്ത മഴയില്‍ കൂട്ടം തെറ്റിയ ആന ഒഴുക്കില്‍പ്പെട്ടതാകാമെന്നാണ് പ്രാഥമിക നിഗമനം. വെളളപ്പൊക്കത്തില്‍പ്പെട്ട ആന ഒഴുക്ക് കുറഞ്ഞതോടെ കരക്ക് അടിയുകയായിരുന്നു. മറ്റ് അസ്വാഭാവികതയില്ലെന്നും ആനയുടെ പോസ്റ്റ് മോര്‍ട്ടം നടത്തുമെന്നും ഉദ്യോഗസ്ഥര്‍ അറിയിച്ചു.
