അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
മുംബൈ: ആഡംബര കപ്പലിലെ ലഹരിപാര്ട്ടിയുമായി ബന്ധപ്പെട്ട കേസില് പ്രതികളെ കോടതിയില് ഹാജരാക്കി. ഷാറൂഖ് ഖാന്റെ മകന് ആര്യന് ഖാന് അടുത്ത സുഹൃത്തായ അര്ബാസ് മര്ച്ചന്റ്, നടിയും മോഡലുമായ മുന്മുന് ധമേച്ച എന്നിവര്ക്കെതിരെയാണ് കൂടുതല് കുറ്റങ്ങള്.
ഇവര്ക്ക് പുറമേ നുപുര് സരിഗ, ഇസ്മീത്ത് സിങ്, മൊഹക് ജസ്വാല്, വിക്രാന്ത് ഛോക്കര്, ഗോമിത് ചോപ്ര എന്നിവരെ കേസുമായി ബന്ധപ്പെട്ട് ചോദ്യംചെയ്തിരുന്നു. എന്നാല് ഇവരുടെ അറസ്റ്റ് രേഖപ്പെടുത്തിയോ എന്നകാര്യത്തില് സ്ഥിരീകരണമില്ല.
ലഹരി ഉപയോഗിച്ചതിനൊപ്പം വാങ്ങിയതിനും വിറ്റതിനുമാണ് കേസ്. 1.33 ലക്ഷം രൂപയുടെ ലഹരിമരുന്ന് പിടികൂടിയതായി എന്.സി.ബി. അറിയിച്ചു. വാട്സാപ്പ് ചാറ്റ് പരിശോധിച്ചപ്പോൾ ഇവർക്ക് ലഹരി സംഘങ്ങളുമായി ബന്ധമുണ്ടെന്നാണ് എന്.സി.ബി കോടതിയിൽ അറിയിച്ചു.
ശനിയാഴ്ച രാത്രിയാണ് കോര്ഡേലിയ ക്രൂയിസ് എന്ന ആഡംബര കപ്പലില് റെയ്ഡ് നടത്തി ആര്യന് ഖാന് ഉള്പ്പെടെയുള്ളവരെ എന്.സി.ബി. സംഘം കസ്റ്റഡിയിലെടുത്തത്. കപ്പലില് ലഹരി പാര്ട്ടി നടക്കുന്നതിനിടെ യാത്രക്കാരെന്ന വ്യാജേന കപ്പലില് കയറിയ എന്.സി.ബി. ഉദ്യോഗസ്ഥര് പ്രതികളെ കൈയോടെ പിടികൂടുകയായിരുന്നു. ഇവരില്നിന്ന് എം.ഡി.എം.എ, കൊക്കെയ്ന്, ഹാഷിഷ് ഉള്പ്പെടെയുള്ള ലഹരിമരുന്നുകളും പിടിച്ചെടുത്തിട്ടുണ്ട്. തുടര്ന്ന് ഇവരെ മുംബൈയിലെ എന്.സി.ബി. ഓഫീസിലെത്തിച്ച് ചോദ്യംചെയ്യുകയായിരുന്നു. ഏകദേശം 17 മണിക്കൂറോളമാണ് ചോദ്യംചെയ്യല് തുടര്ന്നത്. പിന്നാലെ മുംബൈയിലെ മറ്റുചില കേന്ദ്രങ്ങളിലും എന്.സി.ബി. സംഘം റെയ്ഡ് നടത്തി.
