പ്രണയത്തിന്‍റെ പേരിലുള്ള കൊലപാതകം ഗൗരവതരം; ബോ​ധ​വ​ല്‍​ക്ക​ര​ണ​ത്തി​ന് നിർദേശം നൽകി മന്ത്രി ആർ ബിന്ദു

തി​രു​വ​ന​ന്ത​പു​രം: പാ​ലാ​യി​ല്‍ കോ​ള​ജ് വി​ദ്യാ​ര്‍​ഥി​നി​യെ പ്ര​ണ​യ​ത്തി​ന്‍റെ പേ​രി​ല്‍ കൊ​ല​പ്പെ​ടു​ത്തി​യ സം​ഭ​വം ഗൗ​ര​വ​ത​ര​മാ​ണെ​ന്ന് ഉ​ന്ന​ത​വി​ദ്യാ​ഭ്യാ​സ മ​ന്ത്രി ഡോ. ​ആ​ര്‍. ബി​ന്ദു പ​റ​ഞ്ഞു. ലിം​ഗ​നീ​തി ഉ​റ​പ്പാ​ക്കാ​നു​ള്ള ബോ​ധ​വ​ല്‍​ക്ക​ര​ണ പ​രി​പാ​ടി​ക​ള്‍​ക്ക് മ​ന്ത്രി അ​ടി​യ​ന്ത​ര നി​ര്‍​ദേ​ശം ന​ല്‍​കി.

ഈ മാസം തന്നെ ബോധവത്കരണ ക്ലാസുകൾ നടത്തണമെന്നാണ് നിർദേശം. അഡീഷണൽ ചീഫ് സെക്രട്ടറിക്കാണ് മന്ത്രി ഇത് സംബന്ധിച്ച നിർദേശം നൽകിയത്. ലൈംഗികാതിക്രമം തടയാനുള്ള നിയമങ്ങൾ സംബന്ധിച്ച് ക്ലാസുകൾ നടത്തണമെന്നും മന്ത്രി നിർദേശിച്ചു.

ലിംഗ നീതിയെപ്പറ്റി വിശദമായ വിവരണം ഉൾപ്പെടുത്തണം. ഐസിസിയും ജൻഡർ ജസ്റ്റിസ് ഫോറങ്ങളും ഉപയോഗിക്കണമെന്നും ഐസിസി അംഗങ്ങളുടെ പേരു വിവരങ്ങൾ നോട്ടിസ് ബോർഡിൽ പ്രദർശിപ്പിക്കണമെന്നും മന്ത്രി നിർദേശിച്ചു.

ആ​ണ്‍​കു​ട്ടി​ക​ളാ​യാ​ലും പെ​ണ്‍​കു​ട്ടി​ക​ളാ​യാ​ലും സ്വ​ത​ന്ത്ര​മാ​യ ജീ​വി​ത തെ​ര​ഞ്ഞെ​ടു​പ്പു​ക​ള്‍​ക്ക് അ​വ​ര്‍​ക്ക് അ​വ​കാ​ശ​മു​ണ്ടെ​ന്ന് മ​ന്ത്രി പ​റ​ഞ്ഞു. പ്ര​ണ​യ​ത്ത​ക​ര്‍​ച്ച​യു​ടെ പേ​രി​ല്‍ ഒ​രാ​ളു​ടെ ജീ​വ​നെ​ടു​ക്കു​ന്ന​തി​ലേ​ക്ക് ന​യി​ക്ക​പ്പെ​ടു​ന്ന​ത് ഒ​ട്ടും ആ​ശാ​സ്യ​മ​ല്ല. പ്ര​ണ​യ​ത്തി​ന്‍റെ പേ​രി​ല്‍ കാ​ല്പ​നി​ക​വ​ല്‍​ക്ക​രി​ച്ച്‌ ഒ​രി​ക്ക​ലും ഇ​തി​നെ ക​ണ്ടു​കൂ​ടാ. വ​ര്‍​ധി​ച്ചു​വ​രു​ന്ന ഇ​ത്ത​രം അ​തി​ക്ര​മ പ്ര​വ​ണ​ത​ക​ളെ ഗൗ​ര​വ​ത്തോ​ടെ ക​ണ്ടു​കൊ​ണ്ടാ​ണ് കാ​മ്ബ​സു​ക​ളി​ല്‍ ആ​വ​ശ്യ​മാ​യ ബോ​ധ​വ​ല്‍​ക്ക​ര​ണ​ത്തി​ന് നി​ര്‍​ദേ​ശം ന​ല്‍​കു​ന്ന​ത് മ​ന്ത്രി പ​റ​ഞ്ഞു.

ഇന്ന് രാവിലെയാണ് ദാരുണമായ സംഭവം നടന്നത്. പാലാ സെന്റ് തോമസ് കോളജിലെ ഫുഡ് പ്രോസസിങ് ടെക്‌നോളജി അവസാന വർഷ വിദ്യാർത്ഥിനിയായിരുന്നു കൊല്ലപ്പെട്ട നിതിന മോൾ. സഹപാഠിയായ പ്രതി അഭിഷേകാണ് നിതിനയെ കൊലപ്പെടുത്തിയത്. പരീക്ഷ കഴിഞ്ഞിറങ്ങിയ പെൺകുട്ടിയെ അഭിഷേക് കൊലപ്പെടുത്തുകയായിരുന്നു. പ്രണയ നൈരാശ്യമാണ് കൊലയ്ക്ക് കാരണമായതെന്നാണ് അഭിഷേക് പൊലീസിനോട് വ്യക്തമാക്കിയിരിക്കുന്നത്.