രാ​ജ്യ​ത്ത് പൊ​തു​മാ​പ്പ് നി​ല​വി​ൽ വ​ന്നു

കു​വൈ​ത്ത് സി​റ്റി: രാ​ജ്യ​ത്ത് അ​ന​ധി​കൃ​ത​മാ​യി ക​ഴി​യു​ന്ന​വ​ര്‍ക്ക് ‘പൊ​തു​മാ​പ്പ്’ നി​ല​വി​ൽ വ​ന്നു. മാ​ര്‍ച്ച് 17 മു​ത​ല്‍ ജൂ​ണ്‍ 17 വ​രെ​യാ​ണ് പൊ​തു​മാ​പ്പ് പ്ര​ഖ്യാ​പി​ച്ചി​രി​ക്കു​ന്ന​ത്. ഈ ​കാ​ല​യ​ള​വി​ൽ അ​ന​ധി​കൃ​ത​മാ​യി രാ​ജ്യ​ത്ത് ക​ഴി​യു​ന്ന​വ​ര്‍ക്ക് പി​ഴ കൂ​ടാ​തെ രാ​ജ്യം വി​ടു​ന്ന​തി​നും പി​ഴ​യ​ട​ച്ച് രേ​ഖ​ക​ള്‍ നി​യ​മ​പ​ര​മാ​ക്കു​ന്ന​തി​നും ക​ഴി​യും.

ഇ​തോ​ടെ സാ​ധു​വാ​യ രേ​ഖ​ക​ളി​ല്ലാ​തെ കു​വൈ​ത്തി​ല്‍ താ​മ​സി​ക്കു​ന്ന പ്ര​വാ​സി​ക​ള്‍ക്ക് ത​ങ്ങ​ളു​ടെ രാ​ജ്യ​ങ്ങ​ളി​ലേ​ക്ക് മ​ട​ങ്ങാ​ന്‍ സാ​ധി​ക്കും. രാ​ജ്യ​ത്തെ മ​ല​യാ​ളി​ക​ള്‍ അ​ട​ക്ക​മു​ള്ള പ്ര​വാ​സി​ക​ൾ ആ​ശ്വാ​സ​ത്തോ​ടെ​യാ​ണ് തീ​രു​മാ​ന​ത്തെ കാ​ണു​ന്ന​ത്. പൊ​തു​മാ​പ്പ് കാ​ല​യ​ള​വി​ൽ അ​ന​ധി​കൃ​ത താ​മ​സ​ക്കാ​ർ​ക്ക് പി​ഴ​യും മ​റ്റു നി​യ​മ​ന​ട​പ​ടി​ക​ളും നേ​രി​ടാ​തെ രാ​ജ്യം വി​ടാ​മെ​ന്ന​ത് ആ​ശ്വാ​സ​ക​ര​മാ​ണ്. ഇ​ത്ത​ര​ക്കാ​ർ​ക്ക് വീ​ണ്ടും മ​റ്റൊ​രു വി​സ​യി​ൽ കു​വൈ​ത്തി​ലേ​ക്ക് മ​ട​ങ്ങി​വ​രാ​നും ക​ഴി​യും.

കു​വൈ​ത്തി​ൽ ഒ​രു ല​ക്ഷ​ത്തോ​ളം അ​ന​ധി​കൃ​ത താ​മ​സ​ക്കാ​രു​ണ്ടെ​ന്നാ​ണ് ക​ണ​ക്ക്. ഇ​വ​ർ​ക്ക് പൊ​തു​മാ​പ്പ് കാ​ല​യ​ള​വ് ഉ​പ​യോ​ഗ​പ്പെ​ടു​ത്തി നി​യ​മ​ന​ട​പ​ടി​ക​ൾ നേ​രി​ടാ​തെ നാ​ട്ടി​ൽ പോ​കാ​ൻ ഈ ​സൗ​ക​ര്യം ഉ​പ​യോ​ഗ​പ്പെ​ടു​ത്താം. പൊ​തു​മാ​പ്പി​ന് ര​ജി​സ്റ്റ​ർ ചെ​യ്യേ​ണ്ട രീ​തി​യും കേ​ന്ദ്ര​ങ്ങ​ളും വൈ​കാ​തെ അ​ധി​കൃ​ത​ർ വ്യ​ക്ത​മാ​ക്കും. വി​വി​ധ രാ​ജ്യ​ങ്ങ​ളു​ടെ എം​ബ​സി​ക​ളും അ​പേ​ക്ഷ​ക​ർ​ക്ക് വേ​ണ്ട മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കും. പൊ​തു​മാ​പ്പ് കാ​ല​യ​ള​വി​ൽ മ​ല​യാ​ളി​ക​ളെ സ​ഹാ​യി​ക്കു​ന്ന​തി​നാ​യി വി​വി​ധ മ​ല​യാ​ളി സം​ഘ​ട​ന​ക​ൾ​ക്ക് കീ​ഴി​ലും ആ​സൂ​ത്ര​ണ​ങ്ങ​ൾ ന​ട​ന്നു​വ​രി​ക​യാ​ണ്.

റ​മ​ദാ​ൻ മാ​സം, അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ സ്ഥാ​നാ​രോ​ഹ​ണം, കു​വൈ​ത്തി​ന്റെ മാ​നു​ഷി​ക പ്ര​വ​ർ​ത്ത​ന​ങ്ങ​ളു​ടെ തു​ട​ർ​ച്ച എ​ന്നി​വ​യു​ടെ ഭാ​ഗ​മാ​യാ​ണ് പൊ​തു​മാ​പ്പ് തീ​രു​മാ​നം. കു​വൈ​ത്തി​ൽ 2021ൽ ​ഭാ​ഗി​ക​മാ​യും 2020 ലും 2018 ​ലും പ്ര​ത്യേ​ക​മാ​യും നി​യ​ലം​ഘ​ക​ർ​ക്ക് പൊ​തു​മാ​പ്പും രേ​ഖ​ക​ൾ നി​യ​മ​പ​ര​മാ​ക്കാ​നു​ള്ള അ​വ​സ​ര​വും ന​ൽ​കി​യി​രു​ന്നു.

അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ