ല​ഹ​രി​ക്ക​ട​ത്തി​നാ​യി ക​ള്ള​പ്പ​ണം വെ​ളു​പ്പി​ച്ചു; ബിനീഷിന് ജാമ്യം നല്‍കരുതെന്ന് ഇ.ഡി

ബംഗളൂരു: കള്ളപ്പണം വെളുപ്പിക്കല്‍ കേസില്‍ ബിനീഷ് കോടിയേരിയുടെ ജാമ്യാപേക്ഷയെ എതിര്‍ത്ത് വീണ്ടും ഇ.ഡി. ബി​സി​ന​സി​ന്‍റെ മ​റ​വി​ൽ ല​ഹ​രി ക​ട​ത്തി​നാ​യി ബി​നീ​ഷ് കോ​ടി​യേ​രി ക​ള്ള​പ്പ​ണം വെ​ളു​പ്പി​ച്ചെ​ന്ന് എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട്രേ​റ്റ് ആരോപിച്ചു.  
 
ബി​നീ​ഷ് കോ​ടി​യേ​രി ല​ഹ​രി ക​ട​ത്തി​നാ​യി സാ​മ്പ​ത്തി​ക ഇ​ട​പാ​ടു​ക​ൾ ന​ട​ത്തി​യെ​ന്നും ല​ഹ​രി​യി​ട​പാ​ടി​ലെ ലാ​ഭ​ത്തു​ക​യാ​ണ് ബി​നീ​ഷി​ന്‍റെ അ​ക്കൗ​ണ്ടി​ലു​ണ്ടാ​യി​രു​ന്ന ക​ള്ള​പ്പ​ണ​മെ​ന്നു​മാ​ണ് ഇ​ഡി ക​ർ​ണാ​ട​ക ഹൈ​ക്കോ​ട​തി​യി​ൽ വാ​ദി​ച്ച​ത്.

ല​ഹ​രി​ക​ട​ത്ത് കേ​സി​ൽ ജ​യി​ലി​ൽ ക​ഴി​യു​ന്ന മു​ഹ​മ്മ​ദ് അ​നൂ​പ്, ബി​നീ​ഷ് കോ​ടി​യേ​രി​യു​ടെ പ​ങ്കാ​ളി​യാ​ണെ​ന്നും ബി​നീ​ഷി​ന്‍റെ ജാ​മ്യാ​പേ​ക്ഷ​യെ എ​തി​ർ​ത്ത് ഇ​ഡി കോ​ട​തി​യി​ൽ വാ​ദി​ച്ചു. കേ​സ് ഈ ​മാ​സം 23 ന് ​വീ​ണ്ടും പ​രി​ഗ​ണി​ക്കും.

കേസുമായി ബന്ധപ്പെട്ട രണ്ട് പേരെ കൂടി ഇനിയും ചോദ്യം ചെയ്യാനുണ്ട്. ബിനീഷിന്റെ ഡ്രൈവര്‍ അനിക്കുട്ടന്‍ സുഹൃത്ത് അരുണ്‍ എന്നിവരെ പല തവണ ചോദ്യം ചെയ്യാനായി വിളിപ്പിച്ചെങ്കിലും ഹാജരാകാത്തത് ദുരൂഹമാണ്. ബിനീഷിന് വേണ്ടിയുള്ള ബാങ്ക് നിക്ഷേപങ്ങള്‍ നടത്തിയ വ്യക്തിയാണ് അനിക്കുട്ടന്‍. അതുകൊണ്ട് തന്നെ ഇയാളെ ചോദ്യം ചെയ്യേണ്ടത് അനിവാര്യമാണെന്നാണ് ഇ.ഡി കര്‍ണാടക ഹൈക്കോടതിയെ അറിയിച്ചത്.