അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡൽഹി;പഞ്ചാബിൻ്റെ പതിനാറാമത് മുഖ്യമന്ത്രിയായി ചരൺജിത് സിംഗ് ചന്നി ചുമതലയേറ്റു. ഗവർണ്ണർ ബൻവാരിലാൽ പുരോഹിത് സത്യവാചകം ചൊല്ലിക്കൊടുത്തു. പഞ്ചാബിന്റെ ആദ്യ ദളിത് മുഖ്യമന്ത്രിയായാണ് ചരൻ സിംഗ് ചന്നി ചുമതലയേൽക്കുന്നത്. രാജ്യത്ത് ഏറ്റവും അധികം ദളിത് വിഭാഗം താമസിക്കുന്ന സംസ്ഥാനം കൂടിയാണ് പഞ്ചാബ്. സംസ്ഥാന രാഷ്ട്രീയത്തിൽ ഹൈക്കമാൻഡ് പിടിമുറുക്കുന്നതിന്റെ നേർക്കാഴ്ച കൂടിയാണ് ചന്നിയുടെ സ്ഥാനലബ്ദി.
അതേസമയം മുഖ്യമന്ത്രി പ്രഖ്യാപനത്തില് നാടകീയ വഴിത്തിരിവാണ് പഞ്ചാബിലുണ്ടായത്. പിന്തുണയും ഹൈക്കമാന്ഡ് താല്പര്യവും മുന്മന്ത്രി സുഖ് ജിന്തര് സിംഗിന് അനുകൂലമായിരുന്നെങ്കിലും പ്രഖ്യാപനത്തിന് തൊട്ടുമുന്പുള്ള സിദ്ദുവിന്റെ ഇടപെടലാണ് കാര്യങ്ങള് മാറ്റി മറിച്ചത്. ദളിത് സിഖ് വിഭാഗത്തില് നിന്നുള്ള ചരണ് ജിത്ത് സിംഗ് ചന്നി മുഖ്യമന്ത്രിയായാൽ 35 ശതമാനത്തോളം വരുന്ന ദളിത് വോട്ടുകള് അനുകൂലമാകുമെന്ന് സിദ്ദു വാദിച്ചു. തുടര്ന്ന് തീരുമാനം ഹൈക്കമാന്ഡ് മാറ്റുകയായിരുന്നു. അമരീന്ദര്സിംഗ് സിംഗിനൊപ്പം നിന്ന ചന്നി അധികാരമാറ്റത്തില് സിദ്ദുവിനൊപ്പം ചേരുകയായിരുന്നു.
