അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദോഹ: ഖത്തറിൽ അഭയം തേടിയ അഫ്ഗാനികൾക്ക് സഹായമെത്തിച്ച ഇന്ത്യക്കാർക്ക് അഭിനന്ദനം അറിയിച്ച് വിദേശകാര്യ സഹമന്ത്രി ലൂൽവ ബിൻത് റാഷിദ് അൽഖാതിർ. അഫ്ഗാനിൽനിന്നുള്ള ഒഴിപ്പിക്കലിന് നേതൃത്വം നൽകിയ ഖത്തർ വിദേശ കാര്യ മന്ത്രി ഇന്ത്യൻ സമൂഹത്തിന് ട്വിറ്റർ സന്ദേശത്തിലൂടെയാണ് നന്ദി അറിയിച്ചത്.
ഹിന്ദിയിലും ഉർദുവിലുമായി കുറിച്ച സന്ദേശത്തിൽ, ക്യാമ്പിലെ അഫ്ഗാനി കുട്ടികൾക്കും മുതിർന്നവർക്കും സമ്മാനങ്ങളും അവശ്യ വസ്തുക്കളുമെത്തിച്ച ഇന്ത്യൻ സമൂഹത്തെ അഭിനന്ദിച്ചു.
ഖത്തറിലെ ഇന്ത്യൻ അംബാസഡർ ഡോ. ദീപക് മിത്തലിൻ്റെയും ഐ.സി.ബി.എഫ് പ്രസിഡൻറ് സിയാദ് ഉസ്മാൻ്റെയും നേതൃത്വത്തിലെ ഇന്ത്യൻ സംഘം കഴിഞ്ഞ ദിവസം ക്യാമ്പിലെത്തിയിരുന്നു.
ക്രിക്കറ്റ് കിറ്റുകൾ, കളിക്കോപ്പുകൾ, വസ്ത്രങ്ങൾ ഉൾപ്പെടെ നിരവധി സമ്മാനങ്ങളാണ് അംബാസഡർ വിതരണം ചെയ്തത്. ക്യാമ്പിലെ അഭയാർഥികൾക്ക് സഹായമെത്തിച്ച ഫിലിപ്പീൻ പ്രവാസികളെയും വിദേശകാര്യ സഹമന്ത്രി അഭിനന്ദിച്ചു.
