അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം:സംസ്ഥാനത്തെ കോവിഡ് സാഹചര്യം വിലയിരുത്താൻ മുഖ്യമന്ത്രിയുടെ നേതൃത്വത്തിൽ ഇന്ന് അവലോകന യോഗം ചേരും. കൂടുതല് നിയന്ത്രണങ്ങളുടെ ആവശ്യകത യോഗം ചര്ച്ച ചെയ്യും. നാളത്തെ സമ്പൂര്ണ ലോക്ഡൗണില് അവശ്യസര്വീസുകള്ക്ക് മാത്രമേ അനുമതി ഉണ്ടാകുകയുള്ളൂ.ഓണത്തിരക്കിന് പിന്നാലെ രോഗബാധിതരുടെ എണ്ണം വര്ധിക്കുമെന്ന വിലയിരുത്തല് യാഥാര്ത്ഥ്യമാകുന്നുവെന്നാണ് കഴിഞ്ഞ ദിവസത്തെ കോവിഡ് കണക്കുകളില് നിന്ന് വ്യക്തമാകുന്നത്.
ആശങ്കയുണ്ടാക്കുന്ന കണക്കുകളാണ് പുറത്തുവരുന്നത്. 19.22 ശതമാനമാണ് ഇന്നലത്തെ ടെസ്റ്റ് പോസിറ്റിവിറ്റി നിരക്ക്. രോഗബാധിതരുടെ എണ്ണം ദിവസം 32000ലേക്ക് എത്തി. ഇതെല്ലാം പരിഗണിക്കുമ്പോള് ഇന്നത്തെ അവലോകന യോഗം നിര്ണായകമാണ്. കൂടുതല് നിയന്ത്രണങ്ങള് ഏര്പ്പെടുത്തണമോ എന്ന കാര്യം അവലോകന യോഗം ചര്ച്ച ചെയ്യും.
അടുത്ത നാലാഴ്ച നിര്ണായകമായാണ് സര്ക്കാര് കാണുന്നത്. അതുകൊണ്ട് രോഗബാധ ഉയരുന്ന മേഖലകളില് കൂടുതല് നിയന്ത്രണം വേണമോ എന്ന കാര്യം യോഗത്തില് തീരുമാനിക്കും. എന്നാല് കാലങ്ങളോളം അടച്ചിട്ടിട്ട് ഇളവുകള് നല്കിയ ശേഷം വീണ്ടും പൂട്ടിയാല് വ്യാപാരികളില് നിന്നടക്കം ഉയരാനുള്ള പ്രതിഷേധം സര്ക്കാര് മുന്കൂട്ടി കാണുന്നുണ്ട്.
