സ്ത്രീ ​ശ​രീ​ര​ത്തി​ൽ അ​നു​മ​തി​യി​ല്ലാ​തെ​യു​ള്ള കൈ​യേ​റ്റം ബ​ലാ​ത്സം​ഗ​ക്കുറ്റം; ഹൈ​ക്കോ​ട​തി

കൊ​ച്ചി: സ്ത്രീ ​ശ​രീ​ര​ത്തി​ൽ അ​നു​മ​തി​യി​ല്ലാ​തെ ലൈം​ഗി​ക പൂ​ര്‍​ത്തീ​ക​ര​ണ​ത്തി​നാ​യി ന​ട​ത്തു​ന്ന ഏ​തൊ​രു പ്ര​വൃ​ത്തി​യും ബ​ലാ​ത്സം​ഗ​ക്കു​റ്റ​ത്തി​ന്‍റെ പ​രി​ധി​യി​ല്‍ വ​രു​ന്ന​താ​ണെ​ന്ന് ഹൈ​ക്കോ​ട​തി.പ്രാ​യ​പൂ​ർ​ത്തി​യാ​കാ​ത്ത പെ​ണ്‍​കു​ട്ടി​യെ പീ​ഡി​പ്പി​ച്ച കേ​സി​ല്‍ വി​ചാ​ര​ണ​ക്കോ​ട​തി ആ​ജീ​വ​നാ​ന്ത ത​ട​വു​ശി​ക്ഷ വി​ധി​ച്ച​തി​നെ​തി​രേ പ്ര​തി മൂ​വാ​റ്റു​പു​ഴ സ്വ​ദേ​ശി സ​ന്തോ​ഷ് ന​ല്‍​കി​യ അ​പ്പീ​ലി​ലാ​ണ് ജ​സ്റ്റീ​സ് വി​നോ​ദ് ച​ന്ദ്ര​ന്‍, ജ​സ്റ്റീ​സ് സി​യാ​ദ് റ​ഹ്മാ​ന്‍ എ​ന്നി​വ​രു​ള്‍​പ്പെ​ട്ട ഡി​വി​ഷ​ന്‍ ബെ​ഞ്ചി​ന്‍റെ നി​രീ​ക്ഷ​ണം.

കേസിൽ പ്രതിക്കു പോക്സോ ഉൾപ്പെടെയുള്ള വിവിധ വകുപ്പുകളിൽ ആജീവനാന്ത തടവിനു വിധിച്ചത് ഹൈക്കോടതി ജീവപര്യന്തമാക്കി കുറച്ചിട്ടുണ്ട്. പെൺകുട്ടിക്കു പ്രായപൂർത്തിയായില്ല എന്ന വാദം പ്രോസിക്യൂഷനു തെളിയിക്കാൻ സാധിക്കാതെ വന്നതോടെയാണിത്. സ്ത്രീകൾക്കും കുട്ടികൾക്കും എതിരെ തുടർച്ചയായുണ്ടാകുന്ന ലൈംഗിക അതിക്രമങ്ങൾ പരാമർശിച്ചുകൊണ്ടാണു ഹൈക്കോടതിയുടെ വിധിപ്രസ്താവം. 

2015 ലാ​ണ് കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. എ​റ​ണാ​കു​ളം സ്വ​ദേ​ശി​നി​യാ​യ പെ​ണ്‍​കു​ട്ടി സ്‌​കൂ​ളി​ലെ മെ​ഡി​ക്ക​ല്‍ ക്യാ​മ്പി​ല്‍ ന​ട​ത്തി​യ പ​രി​ശോ​ധ​ന​യി​ലാ​ണ് പ്ര​തി​ക്കെ​തി​രേ പ​രാ​തി പ​റ​ഞ്ഞ​ത്. തു​ട​ര്‍​ന്ന് ചൈ​ല്‍​ഡ് ലൈ​ന്‍ പ്ര​വ​ര്‍​ത്ത​ക​ര്‍ ഇ​ട​പെ​ട്ട് പോ​ലീ​സി​നെ അ​റി​യി​ക്കു​ക​യാ​യി​രു​ന്നു.