അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: ലയൺസ് ഇന്റർനാഷണൽ ഡിസ്ട്രിക്ട് 318A യുടെ കീഴിലുള്ള ട്രിവാൻഡ്രം ഒയാസിസ് ക്ലബ്ബിന്റെ 2021-22 വർഷത്തെ
ഭാരവാഹികളുടെ സ്ഥാനാരോഹണവും പ്രോജക്ടുകളുടെ ഉദ്‌ഘാടനവും ഹോട്ടൽ പ്രശാന്തിൽ വച്ച് നടന്നു. മുൻ ഡിസ്ട്രിക്റ്റ് ഗവർണർ ലയൺ ശ്യാം സുന്ദർ മുഖ്യാതിഥി ആയിരുന്നു . ഈ വർഷത്തെ പ്രോജക്ടുകളുടെ ഉദ്‌ഘാടനം ലയൺ എം എ വഹാബ് നിർവഹിച്ചു.
റീജിയണൽ ചെയർപേഴ്സൺ ലയൺ ഡോക്ടർ ജെറോ വര്ഗീസ് , സോൺ ചെയർപേഴ്സൺ ലയൺ ദേവകി പ്രസാദ്, ചാർട്ടർ പ്രസിഡന്റ് ലയൺ ശശികുമാർ നായർ, ഡിസ്ട്രിക്റ്റ് ഭാരവാഹികളായ ലയൺ ബി എസ്‌ സുരേഷ് കുമാർ , ലയൺ ആർ വി ബിജു തുടങ്ങിയവർ പങ്കെടുത്തു. ഈ വർഷത്തെ പ്രോജക്ടുകളുടെ ഭാഗമായി സാമ്പത്തികമായി പിന്നിൽ നിൽക്കുന്ന വിദ്യാർഥികൾക്ക് ഓൺലൈൻ പഠനത്തിനുവേണ്ടി രണ്ടു മൊബൈൽ ഫോണുകൾ, പതിനായിരം രൂപയുടെ വിദ്യാഭ്യാസ സഹായം, റിലീവിങ് ഹങ്ങർ പ്രോജക്ടിന് ധനസഹായം എന്നിവ ചടങ്ങിൽ കൈമാറി.
ഭാരവാഹികളായി പ്രസിഡന്റ് – സുരേഷ് നായർ, സെക്രട്ടറി – സജിമുദീൻ, ട്രഷറർ – ബിജീഷ്‌ നായർ, വൈസ് പ്രസിഡന്റ് – ബിജു കാസിം, പ്രദീപ് ജോൺ, അഡ്മിനിസ്ട്രേറ്റർ – ഷാഹുൽ ഹമീദ്, ജോയിന്റ് സെക്രട്ടറി – സാം കുറേകാർ എന്നിവരെ തിരഞ്ഞെടുത്തു :
