അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വഞ്ചിയൂര്‍: തിരുവനന്തപുരത്ത് വ്യാപാരിയ്ക്ക് ജൂനിയര്‍ അഭിഭാഷകന്റെ മര്‍ദ്ദനം. റോഡില്‍ വെച്ച് വ്യാപാരിയായ ഷിബുവിനെ ജൂനിയര്‍ അഭിഭാഷകനായ തിരുവല്ലം നെല്ലിയോട് സ്വദേശി രഞ്ജിത്ത് മര്‍ദ്ദിക്കുകയായിരുന്നു. ജൂനിയര്‍ അഭിഭാഷകനും സുഹൃത്തുകളും സഞ്ചരിച്ചിരുന്ന വാഹനം വ്യാപാരിയുടെ വാഹനത്തില്‍ കൊണ്ട് ഇടിക്കുകയായിരുന്നു. തുടര്‍ന്ന് രഞ്ജിത്ത് വ്യാപാരിയായ ഷിബുവിനെ മര്‍ദ്ദിച്ചു.
എസി സര്‍വീസ് സെന്റര്‍ ഉടമയായ ഷിബു ഏറെ നാളായി ബെയിന്‍ ട്യൂമര്‍ എന്ന രോഗത്തിന് ചികിത്സയിലാണ്. തൃശ്ശൂര്‍ മെഡിക്കല്‍ മിഷന്‍ ആശുപത്രിയില്‍ വച്ച് നടന്ന ശസ്ത്രക്രിയക്ക് ശേഷം ഏറെ നാള്‍ വിശ്രമത്തിലായിരുന്ന ഷിബു തന്റെ സ്ഥാപനത്തിലേക്ക് വരുന്ന വഴിയാണ് ദാരുണ സംഭവം നടന്നത്. അതേസമയം, തന്റെ പരാതി ഒത്തുതീര്‍പ്പാക്കാന്‍ പല പ്രമുഖനേതാക്കളും ഇടപെടുന്നതായി ഷിബു ആരോപിച്ചു.
