അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: സംസ്ഥാന സര്ക്കാരിനെ പ്രതിരോധത്തിലാക്കിയ മുട്ടില് മരംമുറി വിവാദത്തില് ജുഡീഷൽ അന്വേഷണം വേണമെന്ന ആവശ്യം നിരസിച്ചതിന് പിന്നാലെ പ്രതിപക്ഷം നിയമസഭയിൽ നിന്നും ഇറങ്ങിപ്പോയി. ചോദ്യോത്തരവേളയിൽ പ്രതിപക്ഷ നേതാവ് വി.ഡി.സതീശനാണ് ജുഡീഷൽ അന്വേഷണം വേണമെന്ന ആവശ്യമുന്നയിച്ചത്.
അതേസമയം മരംമുറി വിവാദത്തില് വീഴ്ചയുണ്ടായെന്ന് തുറന്ന് സമ്മതിച്ച് വനം മന്ത്രി എ.കെ ശശീന്ദ്രന്. ചെക്ക്പോസ്റ്റിലെ ഉദ്യോഗസ്ഥര്ക്ക് വീഴ്ച സംഭവിച്ചുവെന്നും ഇവര്ക്കെതിരെ നടപടിയെടുത്തുവെന്നും അദ്ദേഹം നിയമസഭയിലെ ചോദ്യോത്തരവേളയില് മറുപടിയായി പറഞ്ഞു.ഉദ്യോഗസ്ഥരെ സസ്പെന്ഡ് ചെയ്തുവെന്നും കൂടുതല് നടപടികള് ആലോചിച്ചുവരികയാണെന്നും അദ്ദേഹം പറഞ്ഞു.
