ബ്യൂ​ട്ടി പാ​ർ​ല​റി​ൽ ജോ​ലി​ക്കി​ടെ അ​ഞ്ചു ജീ​വ​ന​ക്കാ​ർ കു​ഴ​ഞ്ഞു​വീ​ണു; എ.സി വിശപ്പുകയെന്ന് സംശയം

ആ​റ്റി​ങ്ങ​ൽ: ബ്യൂ​ട്ടി പാ​ർ​ല​റി​ൽ ജോ​ലി​ക്കി​ടെ അ​ഞ്ചു ജീ​വ​ന​ക്കാ​ർ കു​ഴ​ഞ്ഞു​വീ​ണു. ആ​റ്റി​ങ്ങ​ൽ സ്വ​ദേ​ശി മി​നി (45), വെ​സ്​​റ്റ്​ ബം​ഗാ​ൾ സ്വ​ദേ​ശി സു​സ്മി​ത മ​ണ്ഡ‌​ൽ (27), ഡാ​ർ​ജ്​​ലി​ങ്​ സ്വ​ദേ​ശി സ​ഞ്ജു (25), സി​ക്കിം സ്വ​ദേ​ശി​ക​ളാ​യ സൗ​മ്യ (25), ഗ്രേ​സി (24) എ​ന്നി​വ​രാ​ണ് ജോ​ലി​ക്കി​ടെ കു​ഴ​ഞ്ഞു​വീ​ണ​ത്. വെ​ള്ളി​യാ​ഴ്​​ച ഉ​ച്ച​ക്ക്​ ര​ണ്ടോ​ടെ ആ​റ്റി​ങ്ങ​ൽ മാ​മം അ​ഷ്​​ട​മു​ടി ബ്യൂ​ട്ടി പാ​ർ​ല​റി​ലാ​യി​രു​ന്നു സം​ഭ​വം.

ബ്യൂ​ട്ടി പാ​ർ​ല​റി​നു​ള്ളി​ൽ നി​ല​വി​ളി​യും ബ​ഹ​ള​വും കേ​ട്ട് സ​മീ​പ​ത്തു​ണ്ടാ​യി​രു​ന്ന​വ​ർ ഓ​ടി​യെ​ത്തി അ​വ​ശ​നി​ല​യി​ലാ​യ ജീ​വ​ന​ക്കാ​രെ വ​ലി​യ​കു​ന്ന് താ​ലൂ​ക്കാ​ശു​പ​ത്രി​യി​ൽ എ​ത്തി​ച്ചു. ഓ​ക്സി​ജ​ൻ ന​ൽ​കി​യാ​ണ് ഇ​വ​രു​ടെ ജീ​വ​ൻ ര​ക്ഷി​ച്ച​തെ​ന്നും വി​ഷ​വാ​ത​കം ഉ​ള്ളി​ൽ ചെ​ന്നാ​ണ് ഇ​വ​ർ കു​ഴ​ഞ്ഞു​വീ​ണ​തെ​ന്നും ആ​ശു​പ​ത്രി അ​ധി​കൃ​ത​ർ പ​റ​ഞ്ഞു. ജീ​വ​ന​ക്കാ​ർ അ​പ​ക​ട​നി​ല ത​ര​ണം ചെ​യ്തു.

വി​വാ​ഹ​വു​മാ​യി ബ​ന്ധ​പ്പെ​ട്ട് വ​ധു​വി​നെ​യും ബ​ന്ധു​ക്ക​ളെ​യും ഒ​രു​ക്കു​ന്ന തി​ര​ക്കി​ലാ​യി​രു​ന്നു ജീ​വ​ന​ക്കാ​ർ. ഉ​ച്ച​യോ​ടെ വ​ധു​വും കൂ​ട്ട​രും പോ​യി​രു​ന്നു. വ​ധു​വിന്റെ ചി​ല ബ​ന്ധു​ക്ക​ളെ ഒ​രു​ക്കു​ന്ന​തി​നി​ട​യി​ലാ​ണ് ജീ​വ​ന​ക്കാ​ർ കു​ഴ​ഞ്ഞു​വീ​ണ​ത്. അ​ട​ച്ചി​ട്ട പാ​ർ​ല​റി​ൽ രാ​വി​ലെ​മു​ത​ൽ എ.​സി പ്ര​വ​ർ​ത്തി​ക്കു​ന്നു​ണ്ടാ​യി​രു​ന്നു. ഇ​തിന്റെ ജ​ന​റേ​റ്റ​റി​ൽ​നി​ന്നു​ള്ള വി​ഷ​പ്പു​ക​യാ​കാം അ​പ​ക​ട​കാ​ര​ണ​മെ​ന്ന് ക​രു​ത​പ്പെ​ടു​ന്നു.