അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബിഎസ്എന്‍എല്‍ പ്രീപെയ്ഡ് ഉപയോക്താക്കള്‍ക്ക് ഏപ്രില്‍ ഒന്നിനോ അതിനുശേഷമോ കാലാവധി അവസാനിച്ചവരുടെ വാലിഡിറ്റി മെയ് 31 വരെ നീട്ടി. കോവിഡ്, ടക്ടട്ടേ ചുഴലിക്കാറ്റ് എന്നിവ കാരണം 2021 ഏപ്രില്‍ ഒന്നിന് ശേഷം റീചാര്‍ജ് ചെയ്യാന്‍ കഴിയാത്ത വരിക്കാര്‍ക്കു വേണ്ടിയാണ് കാലാവധി നീട്ടിയത്.
ഈ ഉപഭോക്താക്കള്‍ക്ക് കോളുകള്‍ വിളിക്കാന്‍ 100 മിനിറ്റ് സൗജന്യ ടോക്ക്‌ടൈം ലഭിക്കും. ഈ പ്രതിസന്ധി ഘട്ടത്തില്‍ ഇന്‍കമിംഗ് കോളുകള്‍ തുടര്‍ന്നും അനുവദിക്കുന്നതിന് ഒപ്പം 107, 197 രൂപ, 397 രൂപ വിലയുള്ള പ്ലാന്‍ വൗച്ചറുകള്‍ക്ക് സൗജന്യ വാലിഡിറ്റിയും 100 മിനിറ്റ് കോളിംഗും നല്‍കും.
പ്ലാന്‍ വൗച്ചര്‍ പിവി 107-ന് 100 മിനിറ്റ് കോളിംഗും 100 ദിവസത്തെ വാലിഡിറ്റിയും ഉള്ള 3 ജിബി ഡാറ്റയും ആദ്യത്തെ 60 ദിവസത്തേക്ക് ബിഎസ്എന്‍എല്‍ ട്യൂണുകളും നല്‍കുന്നു. പ്ലാന്‍ വൗച്ചര്‍ 197ന് പരിധിയില്ലാത്ത കോളുകള്‍ക്കൊപ്പം 180 ദിവസത്തെ വാലിഡിറ്റിയും പ്രതിദിനം 100 എസ്എംഎസുള്ള 2 ജിബി പ്രതിദിന ഡാറ്റയും നല്‍കുന്നു. ഇത് 18 ദിവസത്തേക്ക് ബിഎസ്എന്‍എല്‍ ട്യൂണ്‍സ്, സിംഗ് മ്യൂസിക് എന്നിവയിലേക്ക് പ്രവേശനം നല്‍കുന്നു.
പ്ലാന്‍ വൗച്ചര്‍ 397 രൂപയ്ക്ക് 365 ദിവസത്തെ വാലിഡിറ്റിയും 2 ജിബി പ്രതിദിന ഡാറ്റയും പ്രതിദിനം 100 എസ്എംഎസും വാഗ്ദാനം ചെയ്യുന്നു. 60 ദിവസത്തേക്ക് ബിഎസ്എന്‍എല്‍ ട്യൂണുകളും ലോക്ദുന്‍ ഉള്ളടക്കവും ഇത് വാഗ്ദാനം ചെയ്യുന്നു. ഉപയോക്താക്കള്‍ക്ക് മൈ ബിഎസ്എന്‍എല്‍ ആപ്ലിക്കേഷനില്‍ നിന്ന് റീചാര്‍ജ് ലഭിക്കുകയാണെങ്കില്‍ ബിഎസ്എന്‍എല്‍ കൂടുതല്‍ ഡിസ്‌ക്കൗണ്ട് നല്‍കുന്നു.
