അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോട്ടയം: ജില്ലയില്‍ 2153 പേര്‍ക്കു കൂടി കോവിഡ് സ്ഥിരീകരിച്ചു. 2133 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തുനിന്നെത്തിയ 20 പേര്‍ രോഗബാധിതരായി. പുതിയതായി 7834 പരിശോധനാഫലങ്ങളാണ് ലഭിച്ചത്.ടെസ്റ്റ് പോസിറ്റിവിറ്റി 27.48 ശതമാനമാണ്.
രോഗം ബാധിച്ചവരില്‍ 980 പുരുഷന്‍മാരും 930 സ്ത്രീകളും 243 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 403 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.
3063 പേര്‍ രോഗമുക്തരായി. 15051 പേരാണ് നിലവില്‍ ചികിത്സയിലുള്ളത്. ഇതുവരെ ആകെ 139132 പേര്‍ കോവിഡ് ബാധിതരായി. 123151 പേര്‍ രോഗമുക്തി നേടി. ജില്ലയില്‍ ആകെ 60653 പേര്‍ ക്വാറന്റയിനില്‍ കഴിയുന്നുണ്ട്.
