അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കാലിഫോർണിയ: കാലിഫോർണിയയിലെ ബിസിനസ് കേന്ദ്രത്തിലുണ്ടായ വെടിവെപ്പിൽ കുട്ടിയുൾപ്പടെ നാല് പേർ കൊല്ലപ്പെട്ടു. ഓറഞ്ച് നഗരത്തിലാണ് വെടിവെപ്പുണ്ടായത്. വെടിവെപ്പ് നടത്തിയാൾക്കും മറ്റൊരാൾക്കും പരിക്കേറ്റു.
ലോസ് എയ്ഞ്ചലസിൽ നിന്നും 30 മൈൽ അകലെ 14 ലക്ഷത്തോളം ജനം വസിക്കുന്ന നഗരമാണ് ഓറഞ്ച്. സംഭവത്തിൽ നടുക്കം രേഖപ്പെടുത്തിയ ഗവർണർ ഗാവിൻ ന്യൂസം ആക്രമണം ഹൃദയഭേദകമാണെന്നും പ്രതികരിച്ചു.
പരിക്കേറ്റവരെ ആശുപത്രിയിലേക്ക് മാറ്റിയിട്ടുണ്ടെന്ന് പൊലീസ് ലെഫ്റ്റനന്‍റ് അറിയിച്ചു. ബുധനാഴ്ച വൈകീട്ട് 5.30ഓടെയായിരുന്നു ആക്രമണം. വെടിവെപ്പ് നടത്തിയത് ആരാണെന്നത് സംബന്ധിച്ച് കൂടുതൽ വ്യക്തത വന്നിട്ടില്ലെന്ന് പൊലീസ് അറിയിച്ചു.
