അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇന്ത്യ-ഇംഗ്ലണ്ട് മൂന്നാം ടെസ്റ്റ് മത്സരത്തിനായി ഒരുക്കിയ നരേന്ദ്രമോദി സ്റ്റേഡിയത്തിലെ പിച്ചുമായി ബന്ധപ്പെട്ട് ഐസിസിയെ വിമർശിച്ച് മുൻ ഇംഗ്ലണ്ട് താരവും കമൻ്റേറ്ററുമായ മൈക്കൽ വോൺ. ഇന്ത്യ പോലെ കരുത്തരായ ക്രിക്കറ്റ് ബോർഡുകൾക്ക് നിയമത്തിൽ നിന്ന് രക്ഷപ്പെടാൻ സാധിക്കുന്നു എന്ന് വോൺ കുറ്റപ്പെടുത്തി.
മൂന്നാം ടെസ്റ്റ് മത്സരത്തിൽ 10 വിക്കറ്റിനാണ് ഇന്ത്യ ഇംഗ്ലണ്ടിനെ തകർത്തത്. 48 റൺസ് വിജയലക്ഷ്യവുമായി ഇറങ്ങിയ ഇന്ത്യ വിക്കറ്റ് നഷ്ടമില്ലാതെ വിജയിക്കുകയായിരുന്നു. രോഹിത് ശർമ്മ (25), ശുഭ്മൻ ഗിൽ (15) എന്നിവർ പുറത്താവാതെ നിന്നു. തോൽവിയോടെ ഇംഗ്ലണ്ട് ടെസ്റ്റ് ചാമ്പ്യൻഷിപ്പ് ഫൈനലിൽ നിന്ന് പുറത്തായി.
ഇന്ത്യ പോലെ കരുത്തുറ്റ രാജ്യങ്ങൾ നിയമത്തിൽ നിന്ന് രക്ഷപ്പെടുന്നിടത്തോളം ഐസിസി പല്ലില്ലാത്ത പ്രസ്ഥനമായി തുടരും . ഇന്ത്യക്ക് ഇഷ്ടമുള്ളത് ചെയ്യാൻ ഗവേണിംഗ് ബോഡി അനുവാദം നൽകുന്നു. അത് ടെസ്റ്റ് ക്രിക്കറ്റിനെയാണ് ബാധിക്കുക . ബ്രോഡ്കാസ്റ്റർമാർ പണം തിരികെ ചോദിച്ചാൽ കാര്യങ്ങൾക്ക് മാറ്റം വന്നേക്കാം. താരങ്ങൾ മികച്ചവർ അല്ലാത്തപ്പോൾ ടെസ്റ്റ് മാച്ചുകൾ നേരത്തെ തീരുന്നത് അവർ സ്വീകരിക്കണം. വോൺ കുറിച്ചു.
