അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോട്ടയം : രണ്ടു വ്യത്യസ്‌ത കേസുകളിലായി അരക്കിലോ കഞ്ചാവുമായി രണ്ടുപേരെ എക്‌സൈസ് സംഘം പിടികൂടി.
നിരവധി ക്രിമിനല്‍ക്കേസുകളില്‍ പ്രതിയായ വിജയപുരം വടവാതൂര്‍ കൊല്ലം പറമ്ബ് കോളനിയില്‍ കുഴിയില്‍ വീട്ടില്‍ സൈനുദ്ദീന്‍ (പാല്‍ക്കാരന്‍ കുഞ്ഞുമോന്‍ – 76), പെരുമ്ബായിക്കാട് വില്ലേജില്‍ എസ്.എച്ച് മൗണ്ട് കദളിമറ്റത്തില്‍ വീട്ടില്‍ സജ്ഞു സ്റ്റീഫന്‍ (42) തുടങ്ങിയവരെയാണ് പിടികൂടിയിരിക്കുന്നത്. കഴിഞ്ഞ ദിവസം വൈകിട്ടാണ് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം.സൂരജും സംഘവും ചേര്‍ന്ന് കുമാരനല്ലൂരിലും നട്ടാശേരിയിലും പരിസരത്തും പരിശോധന നടത്തുകയുണ്ടായത്.
കുമാരനല്ലൂര്‍ ഭാഗത്തു നിന്നാണ് കുഞ്ഞുമോനെ പിടികൂടുന്നത്. ഇയാളുടെ കൈയില്‍ നിന്ന് 320 ഗ്രാം കഞ്ചാവും പിടിച്ചെടുക്കുകയുണ്ടായി.എസ്.എച്ച് മൗണ്ട് ഭാഗത്ത് നടത്തിയ പരിശോധനയിലാണ് സഞ്ജുവിനെ അറസ്റ്റ് ചെയ്തത്. 240 ഗ്രാം കഞ്ചാവും പിടിച്ചെടുത്തിരുന്നു. തമിഴ്‌നാട്ടില്‍ നിന്ന് കഞ്ചാവ് എത്തിച്ച്‌ വിദ്യാര്‍ത്ഥികള്‍ക്കും ഇതര സംസ്ഥാന തൊഴിലാളികള്‍ക്കും ഇയാള്‍ വിറ്റിരുന്നതായി കണ്ടെത്തി.
