അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡല്‍ഹി: ഗൂഗിള്‍ പ്ലേ സ്റ്റോറില് നിന്നും നീക്കം ചെയ്യപ്പെട്ട പേമെന്‍റ് ആപ്പ് പേടിഎം മണിക്കൂറുകള്‍ക്കുള്ളില്‍ തിരിച്ചെത്തി. പ്ലേ സ്റ്റോറില് തിരിച്ചെത്തിയ വിവരം പേടിഎം ട്വിറ്ററിലൂടെ അറിയിച്ചു.
“അപ്‌ഡേറ്റ്: ആന്‍ഡ് വി ആര് ബാക്ക്’ എന്നായിരുന്നു പേടിഎം ട്വീറ്റ്.
Update: And we’re back!
— Paytm (@Paytm)
September 18, 2020
പേടിഎം പേയ്‌മെന്റ് ആപ്പ് ആണ് ഇന്ന് ഉച്ചയോടെ പ്ലേസ്‌റ്റോറില്‍ നിന്ന് നീക്കം ചെയ്തത്. അതേസമയം അവരുടെ അനുബന്ധ ആപ്പുകളായ പേടിഎം മണി, പേടിഎം മാള്‍ എന്നിവ നീക്കം ചെയ്തിരുന്നില്ല. പേടിഎം പേയ്‌മെന്റ് ആപ്പ് ആപ്പ് സ്റ്റോറില് ലഭ്യമായിരുന്നു.
അടുത്തിടെ പേടിഎമ്മില്‍ ഉള്‍പ്പെടുത്തിയ ഫാന്റസി ക്രിക്കറ്റ് ടൂര്‍ണ്ണമെന്റ് ഫീച്ചര്‍ ഗൂഗിളിന്റെ നയങ്ങളുടെ ലംഘനമാണെന്ന ചൂണ്ടിക്കാട്ടിയാണ് ആപ്പ് നീക്കം ചെയ്തത്. ഫാന്റസി ക്രിക്കറ്റ് ടൂര്‍ണ്ണമെന്റ് ഫീച്ചര്‍ ചൂതാട്ടത്തെ പ്രോത്സാഹിപ്പിക്കുന്നതാണെന്നാണ് ഗൂഗിള്‍ ചൂണ്ടിക്കാട്ടിയത്. എന്നാല്‍ ഈ പ്രശ്‌നം പരിഹരിച്ചത് എങ്ങനെയാണെന്ന് പേടിഎം വ്യക്തമാക്കിയിട്ടില്ല.
