അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വയനാട്: ജില്ലയില്‍ 15 പേര്‍ക്കുകൂടി കോവിഡ് സ്ഥിരീകരിച്ചു. 21 പേര്‍ രോഗമുക്തരായി. ആറു പേര്‍ക്കു സന്പര്‍ക്കത്തിലൂടെയാണു രോഗബാധ. രോഗം ബാധിച്ചവരില്‍ നാലു പേര്‍ വിദേശത്തുനിന്നും അഞ്ചു പേര്‍ ഇതരസംസ്ഥാനങ്ങളില്‍ നിന്നും വന്നവരാണ്.
ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 339 ആയി. ഇതില്‍ 157 പേര്‍ രോഗമുക്തരായി. ഒരാള്‍ മരണപ്പെട്ടു. നിലവില്‍ 181 പേരാണു ചികിത്സയിലുള്ളത്. ഇതില്‍ ജില്ലയില്‍ 176 പേരും കോഴിക്കോട് മെഡിക്കല്‍ കോളജില്‍ നാലും കണ്ണൂരില്‍ ഒരാളും ചികിത്സയില്‍ കഴിയുന്നു. നാദാപുരത്ത് നിന്നെത്തി ചികിത്സയില്‍ കഴിയുന്ന എടവക സ്വദേശിയുടെ സന്പര്‍ക്ക പട്ടികയിലുള്ള പുളിഞ്ഞാല്‍ സ്വദേശി (21), ജൂലൈ 21 മുതല്‍ ചികിത്സയിലുള്ള തൃശിലേരി സ്വദേശിയായ 48 കാരന്‍റെ സന്പര്‍ക്ക പട്ടികയിലുള്ള പയ്യന്പള്ളി സ്വദേശി (52), ജൂലൈ 12 മുതല്‍ ചികിത്സയിലുള്ള ബൈരക്കുപ്പ സ്വദേശിയായ 75 കാരിയുടെ സന്പര്‍ക്കത്തിലുള്ള ബൈരക്കുപ്പ സ്വദേശി (39), എറണാകുളത്ത് ചികിത്സയിലുള്ള കല്‍പ്പറ്റ പോലീസ് ക്വാര്‍ട്ടേഴ്സില്‍ താമസിക്കുന്ന 53 കാരന്‍, കോഴിക്കോട് സ്വകാര്യ ആശുപത്രിയില്‍ ജോലിചെയ്യുന്ന മാനന്തവാടി സ്വദേശി (24), മക്കിയാട് സ്വദേശി (27) എന്നിവര്‍ക്കാണ് സന്പര്‍ക്കത്തിലൂടെ രോഗം സ്ഥിരീകരിച്ചത്.
രോഗം സ്ഥിരീകരിച്ച മറ്റുളളവര്‍:
ജൂലൈ അഞ്ചിന് ദുബായില്‍ നിന്ന് വന്ന അന്പലവയല്‍ സ്വദേശി (28)
ജൂലൈ 14 ന് ഷാര്‍ജയില്‍ നിന്നെത്തിയ അന്പലവയല്‍ സ്വദേശി (36)
ജൂലൈ നാലിന് സൗദി അറേബ്യയില്‍ നിന്ന് വന്ന കണിയാരം സ്വദേശി (65)
ജൂലൈ ആറിന് ദുബൈയില്‍ നിന്ന് വന്ന ചെറുകാട്ടൂര്‍ സ്വദേശി (32)
ജൂലൈ 23 ന് കര്‍ണാടകയില്‍ നിന്ന് വന്ന പയ്യന്പള്ളി സ്വദേശികള്‍ (47, 43)
ജൂലൈ 13 ന് ബാംഗ്ലൂരില്‍ നിന്ന് വന്ന പേരിയ സ്വദേശി (37)
ജൂലൈ 23 ന് ബാംഗ്ലൂരില്‍ നിന്ന് വന്ന മാനന്തവാടി പിലാക്കാവ് സ്വദേശി (42)
ജൂലൈ 12 ന് ബാംഗ്ലൂരില്‍ നിന്ന് വന്ന ചെന്നലോട് സ്വദേശി (27).
രോഗമുക്തി നേടിയവര്‍:
ജൂണ്‍ 28 മുതല്‍ ചികിത്സയിലുള്ള അന്പലവയല്‍ സ്വദേശി (30), ശിവഗിരി സ്വദേശി (33)
ജൂലൈ ഒന്നുമുതല്‍ ചികിത്സയിലുള്ള ചെന്നലോട് സ്വദേശി (36)
ജൂലൈ 4 മുതല്‍ ചികിത്സയിലുള്ള തെക്കുംതറ സ്വദേശി (22), ജൂലൈ 5 മുതല്‍ ചികിത്സയിലുള്ള കല്‍പ്പറ്റ സ്വദേശികള്‍ (35 കാരന്‍, 30 കാരി, 2 വയസ്‌സുള്ള കുട്ടി)
ജൂലൈ 6 മുതല്‍ ചികിത്സയിലുള്ള കാസര്‍കോട് സ്വദേശി (38), തവിഞ്ഞാല്‍ സ്വദേശി (34), സീതാമൗണ്ട് സ്വദേശികള്‍ (22, 36), കന്പളക്കാട് സ്വദേശി (48), തവിഞ്ഞാല്‍ സ്വദേശി (46)
ജൂലൈ 7 മുതല്‍ ചികിത്സയിലുള്ള മീനങ്ങാടി സ്വദേശി (40)
ജൂലൈ 8 മുതല്‍ ചികിത്സയിലുള്ള പുല്‍പ്പള്ളി സ്വദേശികള്‍ (30 കാരന്‍, 55 കാരി, ഒന്നര വയസ്‌സുള്ള കുട്ടി)
ജൂലൈ 11 മുതല്‍ ചികിത്സയിലുള്ള കാട്ടിക്കുളം സ്വദേശിയായ ഡോക്ടര്‍
ജൂലൈ 14 മുതല്‍ ചികിത്സയിലുള്ള പുല്‍പ്പള്ളി സ്വദേശികള്‍ (54, 21)
ജൂലൈ 13 മുതല്‍ ചികിത്സയിലുള്ള തരിയോട് സ്വദേശി (22)
164 പേര്‍ പുതുതായി നിരീക്ഷണത്തില്‍:
കോവിഡുമായി ബന്ധപ്പെട്ട് ജില്ലയില്‍ വ്യാഴാഴ്ച പുതുതായി നിരീക്ഷണത്തിലായത് 164 പേരാണ്. 251 പേര്‍ നിരീക്ഷണ കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 2868 പേര്‍. ജില്ലയില്‍ നിന്ന് ഇതുവരെ പരിശോധനയ്ക്കയച്ച 14152 സാന്പിളുകളില്‍ 12557 പേരുടെ ഫലം ലഭിച്ചു. ഇതില്‍ 12218 നെഗറ്റീവും 339 പോസിറ്റീവുമാണ്.
