അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൊടുപുഴ: സംസ്ഥാനത്ത് വീണ്ടും കോവിഡ് രോഗികളുടെ വിവരങ്ങൾ ചോർന്നു. ഇടുക്കിയിലെ കോവിഡ് രോഗികളുടെ വിവരങ്ങളാണ് ചോർന്നത്. ഇന്ന് പൊസീറ്റീവായ 51 കോവിഡ് രോഗികളുടെ വിവരങ്ങളാണ് സമൂഹമാധ്യമങ്ങളിലൂടെ പരക്കുന്നത്.
കോവിഡ് രോഗികളുടെ പേര്, വിലാസം, മൊബൈൽ ഫോൺ നമ്പറുകൾ എന്നിവയടക്കമുള്ള വിവരങ്ങളെല്ലാം ചോ‍ർന്നിട്ടുണ്ട്. രോഗികളുടെ പട്ടിക ഇപ്പോൾ സമൂഹമാധ്യമങ്ങളിലൂടെ പ്രചരിക്കുന്നുണ്ട്. ആരോഗ്യവകുപ്പിൽ നിന്നാണ് വിവരങ്ങളെല്ലാം ചോ‍ർന്നതെന്നാണ് പ്രാഥമിക നിഗമനം. സംഭവത്തിൽ ഇടുക്കി ജില്ലാ കളക്ട‍ർ ഡിഎംഒയോട് അന്വേഷണ റിപ്പോ‍‍ർട്ട് ആവശ്യപ്പെട്ടിട്ടുണ്ട്.
