അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മനാമ: ബഹ്റൈൻ കേരളീയ സമാജത്തിന്റെ ആഭിമുഖ്യത്തിൽ മാർച്ച് – ഏപ്രിൽ മാസങ്ങളിലായി നടത്തുന്ന ദേവ്ജി-ബി.കെ.എസ് ജി.സി.സി കലോത്സവത്തിന്റെ രജിസ്ട്രേഷൻ തിങ്കളാഴ്ച വരെ നീട്ടിയതായി സംഘാടകർ അറിയിച്ചു. https://www.bksbahrain.com/gcckalotsavam2024 എന്ന ലിങ്ക് ഉപയോഗിച്ച്
പൂർണമായി ഓൺലൈനിലാണ് രജിസ്ട്രേഷൻ നടത്തേണ്ടത്. രജിസ്റ്റർ ചെയ്യുമ്പോൾ ലഭിക്കുന്ന യൂസർ നെയിമും പാസ് വേഡും ഉപയോഗിച്ച് ലോഗിൻ ചെയ്യാൻ കഴിയുന്നതരത്തിലാണ് രജിസ്ട്രേഷൻ ക്രമീകരണങ്ങൾ.
ഗ്രൂപ് മത്സരങ്ങളിൽ, ബഹ്റൈനിൽ താമസിക്കുന്ന ഏതു രാജ്യത്തുനിന്നുള്ള കുട്ടികൾക്കും പങ്കെടുക്കാം. അതേസമയം, വ്യക്തിഗത ഇനങ്ങൾ ഇന്ത്യൻ കുട്ടികൾക്ക് മാത്രമായി പരിമിതപ്പെടുത്തി. കലോത്സവത്തെക്കുറിച്ച കൂടുതൽ വിവരങ്ങൾ സമാജം വെബ്സൈറ്റിൽ ലഭ്യമാണ്.
വിശദവിവരങ്ങൾക്ക് 39777801, 37789495, 38360489, 39898050 എന്നീ നമ്പറുകളിൽ ബന്ധപ്പെടാവുന്നതും സമാജത്തിൽ സ്ഥിതി ചെയ്യുന്ന ബാലകലോത്സവം ഓഫിസ് സന്ദർശിക്കാവുന്നതുമാണ്. പ്രവൃത്തിദിവസങ്ങളിൽ വൈകുന്നേരം 7.30 മുതൽ 9.30 വരെയും വെള്ളിയാഴ്ചകളിൽ രാവിലെ 10 മുതൽ വൈകുന്നേരം അഞ്ചുവരെയും ഓഫിസ് പ്രവർത്തിക്കും.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
