അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: നഗരവാസികളുടെ ഉറക്കംകെടുത്തിയ കുപ്രസിദ്ധ മോഷ്ടാവ് പോലീസ് പിടിയില്‍. തിരുവനന്തപുരം ഈന്തിവിള സ്വദേശി ബാഹുലേയനെയാണ് വഞ്ചിയൂര്‍ പോലീസ് സാഹസികമായി പിടികൂടിയത്.
കുപ്രസിദ്ധ ക്രിമിനലുകളായ ബാറ്ററി നവാസ്, ബ്രൂസ്‌ലി ബിജു എന്നിവരുടെ അടുത്ത കൂട്ടാളിയാണ് ബാഹുലേയന്‍. തിരുവനന്തപുരം നഗരത്തിലെ വിവിധ പോലീസ് സ്‌റ്റേഷന്‍ പരിധികളിലായി 23 ഭവനഭേദന കേസുകളില്‍ പ്രതിയാണ് ഇയാള്‍. അടുത്തിടെ ആലുവയില്‍നിന്ന് യുവാവിനെ തട്ടിക്കൊണ്ടുപോയ സംഘത്തിലും ഇയാള്‍ക്ക് പങ്കുണ്ടെന്നാണ് പോലീസിന്റെ സംശയം. പ്രതിയെ പോലീസ് വിശദമായി ചോദ്യംചെയ്തുവരികയാണ്.
