അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെന്നൈ: സിനിമാ ചിത്രീകരണത്തിനിടെ നടന്‍ അജിത് ഓടിച്ചിരുന്ന വാഹനം അപകടത്തില്‍പ്പെട്ടതിന്റെ വീഡിയോ സമൂഹമാധ്യമങ്ങളില്‍ വൈറലായി. അജിത്തിന്റെ വാഹനം തലകീഴായി മറിയുകയായിരുന്നു. അപകടത്തില്‍ അജിത്തിന് പരിക്കേറ്റിരുന്നു.
വിടാമുയിര്‍ച്ചി സിനിമയുടെ ഷൂട്ടിനിടെയാണ് അപകടമുണ്ടായത്. അസര്‍ബൈജാനില്‍ കഴിഞ്ഞവര്‍ഷം ഒക്ടോബര്‍, നവംബര്‍ മാസങ്ങളിലായിരുന്നു ഷൂട്ടിങ്ങ്. നടന്‍ ആരവും കാറില്‍ ഉണ്ടായിരുന്നു.
Bravery knows no bounds! 💪 Witness Ajith Kumar’s fearless dedication as he takes on a daring stunt sequence in #VidaaMuyarchi without any stunt double. 🫡 🔥#AjithKumar pic.twitter.com/62NyEG4cvG
— Lyca Productions (@LycaProductions) April 4, 2024
കൈകള്‍ കെട്ടി, കഴുത്ത് സീറ്റിനോട് ടേപ്പ് വെച്ച് ഒട്ടിച്ച നിലയിലായിരുന്നു ആരവ് ഉണ്ടായിരുന്നത്. കാര്‍ തലകീഴായി മറിഞ്ഞതിന് പിന്നാലെ ആരവിനോട് എന്തെങ്കിലും കുഴപ്പമുണ്ടോയെന്ന് അജിത് ചോദിക്കുകയും ചെയ്തു.
ഇതാദ്യമായല്ല അജിത്ത് ഇത്തരം അപകടം നിറഞ്ഞ സ്റ്റണ്ട് രംഗങ്ങൾ ചെയ്യുന്നത്. എച്ച്. വിനോദ് സംവിധാനം ചെയ്ത ‘വലിമൈ’ എന്ന സിനിമയിലെ ബൈക്ക് സ്റ്റണ്ട് രംഗങ്ങളും ഇതുപോലെ വൈറലായിരുന്നു. അന്ന് ഗുരുതരമായ പരുക്കും അദ്ദേഹത്തിനു സംഭവിച്ചു. വിടാമുയർച്ചിയുടെ ലൊക്കേഷനിലും അജിത്തിനു പരുക്ക് സംഭവിച്ചുവെന്ന് റിപ്പോർട്ടുകൾ വന്നിരുന്നു.
മഗിഴ് തിരുമേനി സംവിധാനം ചെയ്യുന്ന ആക്‌ഷൻ ത്രില്ലറാണ് വിടാമുയർച്ചി. തൃഷയാണ് നായിക. അർജുൻ മറ്റൊരു പ്രധാന വേഷത്തിലെത്തുന്നുണ്ട്. അജിത്തിന്റെ തുനിവിനും വലിമൈയ്ക്കും ഛായാഗ്രഹണം നിർവഹിച്ച നീരവ് ഷാ ആണ് ഈ സിനിമയുടെയും ഛായാഗ്രഹണം. അസർബൈജാൻ ആണ് പ്രധാന ലൊക്കേഷൻ.
Read also: ‘ഇതിയാൻ’ ഇപ്പോൾ സംസാരവിഷയമാണ്: തന്റെ കൈയിൽ നിന്നും സമ്മാനം വാങ്ങുന്ന വിദ്യാർത്ഥിയെക്കുറിച്ചു ബാലചന്ദ്രമേനോൻ
