അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബീഫ് ചിക്കൻ ഇവയൊക്കെ കഴിച്ചു ബോർ അടിക്കുമ്പോൾ ഇടയ്ക്കൊക്കെ മട്ടൻ കഴിക്കാൻ തോന്നുന്നത് പതിവാണ്. മട്ടൻ കഴിക്കണമെന്ന ആഗ്രഹവുമായി പല റെസ്റ്റോറന്റുകളിലും പോയിട്ടുണ്ട്. ഒന്ന് രണ്ടു സ്ഥലങ്ങൾ ഒഴിച്ച് ബാക്കിയെല്ലാം നിരാശപ്പെടുത്തി. അത് കൊണ്ട് ഈ പ്രാവശ്യം പുതിയൊരു സ്ഥലത്തേക്ക് പോകാമെന്നു വിചാരിച്ചു.
തിരുവനന്തപുരത്തുള്ള ഏകദേശം ആളുകൾക്കൊക്കെ അറിയാമായിരിക്കും ബിസ്മി ഹോട്ടൽ. ഇസ്മയലിക്കയുടെ ഹോട്ടലാണിത്. ബാലരാമപുരത്താണ് സ്ഥിതി ചെയ്യുന്നത്. 1979 ലാണ് ഹോട്ടൽ ഇക്ക തുടങ്ങുന്നത്. ഒരു 5 വര്ഷം വരെ ചെറിയൊരു കടയായിരുന്നു. പിന്നീട് നവീകരിച്ചു. ഇപ്പോൾ അത്യാവശ്യം ആളുകൾ വന്നാൽ ഇരിക്കാനുള്ള സീറ്റിങ് കപ്പാസിറ്റയുണ്ട്.
കടയിൽ അത്യാവശ്യം തിരക്കുണ്ട്.സൈഡിലായി ഒഴിഞ്ഞു കിടക്കുന്നയൊരു ടേബിളിൽ സ്ഥാനം പിടിച്ചു. ഈ ഹോട്ടൽ മട്ടൻ വിഭവങ്ങൾക്ക് പ്രശസ്‌തമാണ്‌. മട്ടൺ, ചിക്കൻ, ഫിഷ്, ബിരിയാണി എന്നിവയാണ് ഇവിടെ ലഭിക്കുന്ന വിഭവങ്ങൾ.
രാവിലെ വന്നാൽ നല്ല ചിക്കൻ ചാപ്സും ചൂട് പുട്ടും കിട്ടും.അപ്പം, പൊറോട്ട, ദോശ, അരിപ്പത്തിരി ഇങ്ങനെ നീളുന്നു രാവിലത്തെ വിഭവമാണ്. രാവിലെ മുതൽ മട്ടൻ , ചിക്കൻ എന്നിവ തയാറാകും.മട്ടൺ കറി, മട്ടൺ ഫ്രൈ, മട്ടൺ പെരട്ട്, മട്ടൺ ബ്രെയിൻ എന്നിവയാണ് ഇവരുടെ പ്രധാന വിഭവങ്ങൾ. മട്ടൻ കരിക്കൊപ്പം നല്ല പത്തിരിയാണ് ചേരുക.
മട്ടനോടുള്ള കൊതി തീരാൻ അരിപ്പത്തിരിയിൽ പൊതിഞ്ഞൊരു കഷ്ണം കഴിച്ചു. ഗംഭീരമായ രുചിയാണ്. ഇറച്ചി നല്ല സോഫ്റ്റ് ആണ്. കറി കുറച്ചു സ്പൈസിയാണ്. മസാലയുടെ രുചി കലർന്നതിനാൽ നിർത്താതെ കഴിച്ചു കൊണ്ടിരിക്കാൻ തോന്നും.
വാഴയിലയിലാണ് ഭക്ഷണം വിളമ്പുക. മട്ടൻ ഫ്രൈ ദോശയോ, പത്തിരിയോ തുടങ്ങി കാട്ടിയില്ലാത്ത വിഭവങ്ങളുടെ ഒപ്പം കഴിക്കാനാണ് നല്ലത്. ഡീപ്പ് ഫ്രൈയാണ് ചെയ്യുന്നത്. ചിക്കൻ വേണ്ടവർക്ക് അതും ഓർഡർ ചെയ്യാം. വറ്റൽ മുളകിന്റെ മസാല ഉപയോഗിച്ചാണുചിക്കാൻ ഫ്രൈ ചെയ്യുന്നത്. ഒപ്പം കറിവേപ്പില സബോള എന്നിവയും ആവിശ്യത്തിടും. ഇവയെല്ലാം ചിക്കന്റെ രുചി കൂട്ടുന്നു.
അവസാനം മട്ടൻ പെരട്ടിനൊപ്പം പെറോട്ടയും പരീക്ഷിച്ചു. രുചിച്ച എല്ലാ മട്ടൺ റെസിപ്പികളിലും എനിക്ക് ഏറ്റവും ഇഷ്ടപ്പെട്ടത് മട്ടൺ പെരട്ടാണ് . മറ്റേതൊരു വിഭവങ്ങളേക്കാളും ഇത് പറോട്ടയ്ക്ക് അനുയോജ്യമാണ്.
ഉച്ചയ്ക്ക് ഊണ്, ചിക്കൻ ബിരിയാണി, മട്ടൻ ബിരിയാണി എന്നിവ ലഭിക്കും. ഏറ്റവുമൊടുവിൽ ഒരു ബിരിയാണി ചായയും കുടിച്ചു അവിടിന്നിറങ്ങി. നിങ്ങൾ ബാലരാമപുരം വഴി പോകുന്നുണ്ടെങ്കിൽ ബിസ്മി ഹോട്ടലേക്ക് കയറാം. തുമല്ലങ്കിൽ നല്ലൊരു നാടൻ മട്ടൻ കറി കഴിക്കാൻ ആഗ്രഹം തോന്നുമ്പോൾ നേരെ ബിസ്മിയിലേക്ക് വണ്ടിയെടുക്കാം
സ്ഥലം
പോലീസ് എയ്ഡ് പോസ്റ്റിന് എതിർവശം, വിഴിഞ്ഞം.ബാലരാമപുരം റോഡ്
ഫോൺ നമ്പർ: +91 9446996786
