അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇറച്ചി കഴിയ്ക്കാത്തവര്‍ക്ക് പകരം വയ്ക്കാവുന്ന ഒരു ഭക്ഷണമാണ് കൂണ്‍. കൂൺ ഉപയോഗിച്ച് വ്യത്യസ്ഥതരം വിഭവങ്ങൾ തയ്യറാക്കാം. സ്വാദൂറുന്ന മഷ്‌റൂം ടിക്ക മസാല തയ്യറാക്കി നോക്കിയാലോ?
ആവശ്യമായ ചേരുവകൾ
- മഷ്‌റൂം-15
- ക്യാപ്‌സിക്കം-1
- സവാള-1
- തക്കാളി-2
- ഇഞ്ചി, വെളുത്തുള്ളി പേസ്റ്റ്- അര സ്പൂണ്‍
- മഞ്ഞള്‍പ്പൊടി- കാല്‍ സ്പൂണ്‍
- മുളകുപൊടി, മല്ലിപ്പൊടി-1 സ്പൂണ്‍
- കസൂരി മേത്തി-2 സ്പൂണ്‍
- ജീരകം- അര സ്പൂണ്‍
- തൈര് -കാല്‍ കപ്പ്
- വെജിറ്റബിള്‍ ഓയില്‍
- ഉപ്പ്
തയ്യറാക്കുന്ന വിധം
എണ്ണ ഒരു ചീനച്ചട്ടിയില്‍ ചൂടാക്കുക. ഇതിലേക്ക് ജീരകം ചേര്‍ക്കുക. ജീരകം പൊട്ടിക്കഴിയുമ്പോള്‍ സവാള ചേര്‍ത്ത് ബ്രൗണ്‍ നിറമാകുന്നതു വരെ ഇളക്കുക. പിന്നീട് ഇഞ്ചി, വെളുത്തുള്ളി പേസ്റ്റ് ചേര്‍ക്കണം. തക്കാളി മിക്‌സിയില്‍ അരച്ച് ഇതിലേക്കു ചേര്‍ക്കുക. ഇതിലേക്ക് മല്ലിപ്പൊടി, മഞ്ഞള്‍പ്പൊടി, മുളകുപൊടി എന്നിവ ചേര്‍ക്കണം. പിന്നീട് കുറഞ്ഞ ചൂടില്‍ വച്ച് ചാറ് കുറുകുന്നതു വരെ പാകം ചെയ്യുക.
കൂണ്‍ കഴുകി തുടച്ചു വയ്ക്കുക. വലിയ കൂണാണെങ്കില്‍ കഷ്ണമാക്കാം. ഇതിലേക്ക് ക്യാപ്‌സിക്കം ചേര്‍ക്കാം. പാകത്തിന് മഞ്ഞള്‍പ്പൊടി, മുളകുപൊടി, തൈര് എന്നിവ മഷ്‌റൂം, ക്യാപ്‌സിക്കം കൂട്ടിലേക്ക് ചേര്‍ത്തിളക്കുക.
ഒരു പാത്രത്തിലേക്ക് അല്‍പം എണ്ണയൊഴിച്ച് മഷ്‌റൂം കൂട്ട് ചെറിയ ബ്രൗണ്‍ നിറമാകുന്നതു വരെ പാകം ചെയ്യുക. പാകത്തിന് വെന്തു കഴിഞ്ഞാല്‍ ഇത് നേരത്തെ തയ്യാറാക്കി വച്ചിരിക്കുന്ന ചാറിലേക്ക് ചേര്‍ക്കണം. ഇതിനൊപ്പം കസൂരി മേത്തി, ഉപ്പ് എന്നിവ ചേര്‍ക്കാം.ചാറ് കൂണ്‍ കഷ്ണങ്ങളില്‍ പിടിച്ചു കഴിഞ്ഞാല്‍ വാങ്ങി വയ്ക്കാം. മല്ലിയില ചേര്‍ത്ത് ഉപയോഗിക്കാം.
കൂടുതല്‍ എരിവു വേണമെന്നുള്ളവര്‍ക്ക് കുരുമുളകോ പച്ചമുളകോ മുളകുപൊടിക്കൊപ്പം ഉപയോഗിക്കാം
