അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: വൈദ്യുതി തകരാറിനെ തുടർന്ന് ആലുവയ്ക്കും എറണാകുളം നോർത്തിനുമിടയിൽ ട്രെയിനുകൾ പിടിച്ചിട്ടിരിക്കുന്നു. തിരുവനന്തപുരം – കണ്ണൂർ ജനശതാബ്ദി, നിലമ്പൂർ – കോട്ടയം പാസഞ്ചർ അടക്കമുള്ള ട്രെയിനുകളാണ് പിടിച്ചിട്ടിരിക്കുന്നത്. വൈദ്യുതി തകരാർ പരിഹരിക്കാനുള്ള ശ്രമങ്ങൾ തുടരുന്നു.
മണിക്കൂറുകളായി ഗതാഗതം നിലച്ചതോടെ നൂറ്കണക്കിന് യാത്രക്കാരാണ് വലഞ്ഞിരിക്കുന്നത്. വൈദ്യുതി തകരാ‍ര്‍ ഉടൻ പരിഹരിക്കാൻ സാധ്യതയില്ലെന്നാണ് റെയിൽവെ അധികൃതര്‍ പറയുന്നത്. പുതുക്കലവട്ടത്ത് ട്രാക്കിൽ നിര്‍ത്തിയിട്ട തിരുവനന്തപുരം – കണ്ണൂര്‍ ജനശതാബ്ദി എക്‌സ്‌പ്രസ് ഡീസൽ എഞ്ചിൻ ഘടിപ്പിച്ച് മുന്നോട്ട് കൊണ്ടുപോകാനുള്ള ശ്രമം നടക്കുന്നുണ്ട്. അതേസമയം വെള്ളവും ഭക്ഷണവും കിട്ടാത്ത സ്ഥിതിയാണ്.
