ബത്തേരിയിൽ വീട്ടുമുറ്റത്ത് നിന്ന യുവാവിനെ തുമ്പിക്കൈകൊണ്ട് ആക്രമിച്ച് കാട്ടാന

ബത്തേരി: ബത്തേരിയിൽ കാട്ടാന ആക്രമണത്തിൽ യുവാവിന് പരിക്കേറ്റു. വീട്ടുമുറ്റത്ത് നിൽക്കുന്നതിനിടെയാണ് കാട്ടാന ആക്രമണമുണ്ടായത്. ചെതലയം മാളപ്പാടി കാട്ടുനായ്ക്ക കോളനിയിലെ രമേശിന് (31) ആണ് പരുക്കേറ്റത്.

ഇന്നലെ രാത്രി എട്ടരയോടെയാണു സംഭവം. വീട്ടുമുറ്റത്ത് നിൽക്കുകയായിരുന്ന രമേശിനെ പാഞ്ഞടുത്ത കാട്ടാന തുമ്പിക്കൈ കൊണ്ട് തട്ടിയിടുകയായിരുന്നു. പരുക്കേറ്റ രമേശിനെ ബത്തേരി താലൂക്ക് ആശുപത്രിയിൽ പ്രവേശിപ്പിച്ചു. സ്ഥലത്തെത്തിയ രമേശിന്റെ സഹോദരൻ ബഹളം വച്ചതോടെയാണ് കാട്ടാന മാറിയത്.