അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശൂര്‍: തൃശൂരില്‍ 330 ഗ്രാം എംഡിഎംഎയുമായി രണ്ട് പേര്‍ പിടിയില്‍. കാസര്‍കോട് സ്വദേശിയായ നജീബ് താമശ്ശേരി സ്വദേശിയായ ജിനീഷ് എന്നിവരെയാണ് പോലീസ് പിടികൂടിയത്.
സിറ്റി പൊലീസ് കമ്മീഷണര്‍ അങ്കിത് അശോകന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ വാഹന പരിശോധനയിലാണ് സിറ്റി ലഹരിവിരുദ്ധ സ്‌ക്വാഡും, വെസ്റ്റ് പൊലീസും ചേര്‍ന്ന് പ്രതികളെ കസ്റ്റഡിയിലെടുത്തത്.
മുന്‍പും പലതവണ ബെംഗളൂരുവില്‍ നിന്ന് മയക്കുമരുന്ന് കാറില്‍ കൊണ്ടുവന്നിട്ടുണ്ടെങ്കിലും ആദ്യമായിട്ടാണ് ഇത്രയ്ക്ക് അധികം രാസലഹരി കടത്തുന്നത്. പ്രധാനമായും കുന്നംകുളം, ഗുരുവായൂര്‍, ചാവക്കാട് മേഖലകളില്‍ വില്‍പന ലക്ഷ്യമിട്ടായിരുന്നു കടത്ത്.
