അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദൂരെ കിഴക്കുദിക്കിൻ മാണിക്യച്ചെമ്പഴുക്ക, ഞാനിങ്ങെടുത്തുവച്ചേ എന്റെ വെറ്റിലത്താമ്പാളത്തിൽ ഈ പാട്ട് ഒരിക്കലെങ്കിലും കേൾക്കാത്ത മലയാളികൾ ഉണ്ടാകില്ല. മാണിക്യച്ചെമ്പഴുക്ക എന്ന് കേൾക്കുമ്പോൾ തന്നെ ഒരു പക്ഷെ മനസിലേക്ക് ഓടി വരുന്നത് ഈ വരികളാകും . എന്നാൽ സത്യത്തിൽ എന്താണ് ഈ മാണിക്യച്ചെമ്പഴുക്ക . കുറ്റിച്ചെടിയായി വളരുന്ന ഒരു ഉദ്യാന സസ്യമാണ് മാണിക്യച്ചെമ്പഴുക്ക അഥവാ Golden Dewdrop. വെർബിനേസി സസ്യകുടുംബത്തിൽ ഉൾപ്പെടുന്ന ഇതിന്റെ ശാസ്ത്രീയ നാമം Duranta erecta എന്നാണ്. ഡുരാന്റ എന്ന് ജനുസ്സിനു പേരു നൽകിയത് കാസ്റ്റർ ഡുരാന്റസ് എന്ന പതിനാലാം നൂറ്റാണ്ടിൽ ജീവിച്ചിരുന്ന ഇറ്റലിക്കാരനായ സസ്യ ശാസ്ത്രജ്ഞനോടുള്ള ആദരസൂചകമായാണ്.വിഷാംശമുള്ള സസ്യങ്ങളുടെ ഗണത്തിലാണ് ഇതിനെ ഉൾപ്പെടുത്തിയിട്ടുള്ളത്.
നിറം തന്നെയാണ് ഇതിന്റെ ആകർഷണം. മഞ്ഞ നിറത്തിലുള്ള മുത്തുകൾ പോലെയാണ് ഇതിന്റെ കായകൾ. എന്നാൽ ആകർഷണം മാത്രമേ ഉള്ളൂ. ഇതിന്റെ പഴങ്ങളും ഇലകളും ഭക്ഷ്യയോഗമല്ല. മാണിക്യച്ചെമ്പഴുക്ക കുറ്റിചെടിയായി വളരുന്ന ഒരു സസ്യമാണ്. ഏകദേശം 18 അടി ഉയരത്തിൽ വരെ വളർന്നു പന്തലിക്കാറുണ്ട്. പൂർണ്ണ വളർച്ചയെത്തിയ ചെടികളിൽ ചെറിയ മുള്ളുകൾ കാണാറുണ്ട്. ചെറിയ ചെടികളിൽ സാധാരണ ഗതിയിൽ മുള്ളുകൾ കാണാറില്ല. ഇലകൾക്ക് ഇളം പച്ച നിറമാണുള്ളത്, ഇവയ്ക്ക് 3 ഇഞ്ച് നീളമുണ്ടാകാറുണ്ട്.
പൂക്കൾ ഇളം നീല നിറത്തിലോ, വയലറ്റ് നിറത്തിലോ ആണ് കാണാറുള്ളത്. വർഷത്തിൽ മുഴുവൻ സമയവും ഈ ചെടിയിൽ പൂക്കൾ കാണാറുണ്ട്. ചെടിയിലെ കായ്കൾക്ക് മഞ്ഞ നിറമാണുള്ളത്. കാഴ്ചയിൽ കായ്കൾക്ക് മഞ്ഞ നിറത്തിലുള്ള മുത്തുകളോട് സാമ്യമുണ്ട്. ഇതിന്റെ ഇലകളും കായ്കളും വിഷമാണ്, ഈ വിഷം കുട്ടികൾ, പട്ടി, പൂച്ച എന്നിവയെ കൊല്ലാൻ തക്ക വീര്യമുള്ളതാണ്. എന്നിരുന്നാലും കുയിലുകളും മറ്റും ഇതിന്റെ കായ് ഭക്ഷിക്കാറുണ്ട്. സൂര്യന്റെ പര്യായ പദമായി മാണിക്യച്ചെമ്പഴുക്ക ഉപയോഗിക്കാറുണ്ട്
