തിരുവനന്തപുരം : മോദിയുടെ സത്യപ്രതിജ്ഞാ ചടങ്ങില്‍ പങ്കെടുക്കാന്‍ മുഖ്യമന്ത്രി പിണറായി വിജയന് നരേന്ദ്ര മോദിയുടെ ക്ഷണം. നടന്‍ മോഹന്‍ലാലിനെയും മോദി നേരിട്ടു ഫോണില്‍ വിളിച്ചു. വ്യക്തിപരമായ അസൗകര്യം കാരണം എത്താനാകില്ലെന്നു മോഹന്‍ലാല്‍ അറിയിച്ചു.
ഇന്ന് വൈകിട്ട് 7.15ന് രാഷ്‌ട്രപതി ഭവനിലാണു നരേന്ദ്ര മോദിയുടെയും മറ്റു മന്ത്രിമാരുടെയും സത്യപ്രതിജ്ഞ.കോണ്‍ഗ്രസ് അദ്ധ്യക്ഷന്‍ മല്ലികാര്‍ജുന്‍ ഖാര്‍ഗെ സത്യപ്രതിജ്ഞാ ചടങ്ങില്‍ പങ്കെടുക്കും. ശ്രീലങ്കന്‍ പ്രസി!ഡന്റ് റനില്‍ വിക്രമസിംഗെ സത്യപ്രതിജ്ഞാ ചടങ്ങില്‍ പങ്കെടുക്കാനെത്തി.
പ്രതിജ്ഞാ ചടങ്ങില്‍ പങ്കെടുക്കാന്‍ സുരേഷ് ഗോപി തിരുവനന്തപുരത്തുനിന്നും ഡല്‍ഹിയിലേക്ക് പുറപ്പെട്ടു. ഭാര്യ രാധികയും ഒപ്പമുണ്ട്.