അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഏറെ ആരോഗ്യകരമായ വിഭവമാണ് പച്ചടി. വളരെ എളുപ്പവും രുചികരവുമായി തയ്യാറാക്കാവുന്ന വിഭവമാണ് കുക്കുമ്പർ പച്ചടി. ധാരാളം പോഷകങ്ങൾ ഇതിൽ അടങ്ങിയിരിക്കുന്നു. എങ്ങനെയാണ് രുചികരമായ കുക്കുമ്പർ പച്ചടി തയ്യാറാക്കുന്നതെന്ന് നോക്കിയാലോ?…
ചേരുവകൾ
കുക്കുമ്പർ – 2 തൊലി കളയുക അതിനുശേഷം ചെറുതായി മുറിക്കുക…
തേങ്ങ – 3/4 കപ്പ്
തൈര് – 3/4 കപ്പ്
പച്ചമുളക് – 1 അല്ലെങ്കിൽ 2
കടുക് – 1 ടീസ്പൂൺ +1/2 ടീസ്പൂൺ
വെളിച്ചെണ്ണ – 1 ടേബിൾ സ്പൂൺ
ചുവന്ന മുളക് മുഴുവൻ – 3
ഉപ്പ്
കറിവേപ്പില
തയാറാക്കുന്ന വിധം
- കുക്കുമ്പർ ഒരു പാത്രത്തിൽ അരിഞ്ഞ് ഇടുക.
- പച്ചമുളകും തൈരും ചേർത്ത് തേങ്ങ അരയ്ക്കുക.
- തേങ്ങ മിശ്രിതത്തിലേക്ക് 1 ടീസ്പൂൺ കടുക് ചേർത്ത് ഒന്ന് രണ്ട് തവണ പൾസ് ചെയ്തു എടുക്കുക.
- ഇത് കുക്കുമ്പറിലേക്കു ചേർക്കുക
- ഉപ്പ് ചേർക്കുക.
- നന്നായി യോജിപ്പിക്കുക.
- ഒരു ഫ്രൈയിങ് പാൻ ചൂടാക്കി 1 ടേബിൾ സ്പൂൺ വെളിച്ചെണ്ണ ചേർക്കുക. വെളിച്ചെണ്ണ ചൂടാകുമ്പോൾ കടുക്, ചുവന്ന മുളക് എന്നിവ ചേർക്കുക, തുടർന്ന് കറിവേപ്പില ചേർക്കുക.
- ഇത് കുക്കുമ്പർ തേങ്ങ മിശ്രിതത്തിൽ ചേർക്കുക. രുചികരമായ കുക്കുമ്പർ പച്ചടി തയാർ.
