യൂ​റോ ക​പ്പ്; ക്രൊ​യേ​ഷ്യ​യെ സ​മ​നി​ല​യി​ൽ ത​ള​ച്ച് അ​ൽ​ബേ​നി​യ

മ്യൂണിക്: യൂറോ കപ്പ് ഫുട്ബോളിൽ ക്രൊയേഷ്യയെ സമനിലയിൽ തളച്ച് അൽബേനിയ. ഇരുടീമുകളും രണ്ട് ​ഗോൾ വീതം നേടി. ടൂർണമെന്റിൽ നിലനിൽക്കാൻ വിജയം ആവശ്യമായിരുന്ന മത്സരത്തിൽ ലൂക്കാ മോഡ്രിച്ചും സം​ഘവും ഭൂരിഭാ​ഗം സമയവും പിന്നിലായിരുന്നു. എന്നാൽ രണ്ട് മിനിറ്റ് വ്യത്യാസത്തില്‍ പിറന്ന രണ്ട് ​ഗോളുകളിൽ ക്രൊയേഷ്യൻ അനുഭവസമ്പത്ത് തിരിച്ചുവന്നു. പക്ഷേ അൽബേനിയൻ ആക്രമണത്തിൽ അവസാന നിമിഷം ക്രൊയേഷ്യ സമനിലയിൽ കുരുങ്ങി.

പ​തി​നൊ​ന്നാം മി​നി​റ്റി​ൽ അ​ൽ​ബേ​നി​യ​ക്കാ​യി ഖാ​സിം ലാ​സി ആ​ദ്യ ഗോ​ൾ നേ​ടി. ര​ണ്ടാം പ​കു​തി​യി​ൽ 74 ആം ​മി​നി​റ്റി​ൽ ക്രൊ​യേ​ഷ്യ ആ​ദ്യ ഗോ​ൾ തി​രി​ച്ച​ടി​ച്ചു. ആ​ന്ദ്രെ ക്ര​മാ​രി​ച് ആ​ണ് ക്രൊ​യേ​ഷ്യ​ക്കാ​യി ഗോ​ൾ നേ​ടി​യ​ത്.

രണ്ട് മിനിറ്റുകൾക്കുള്ളിൽ ലൂക്കാ സൂചിച്ചിന്റെ ഷോട്ട് തടയാൻ ശ്രമിച്ച അൽബേനിയൻ താരം ഗ്ജാസുലയ്ക്ക് പിഴച്ചു. താരത്തിന്റെ സെൽഫ് ​ഗോളിൽ ക്രൊയേഷ്യ മുന്നിലെത്തി. എന്നാൽ മത്സരത്തിന്റെ ആവേശം അവിടെ തീർന്നില്ല. ഇ‍ഞ്ചുറി ടൈമിൽ 95-ാം മിനിറ്റിൽ ​ഗ്ജാസുല തന്നെ അൽബേനിയയ്ക്കായി സമനില ​ഗോൾ കണ്ടെത്തി.

സ​മ​നി​ല​യോ​ടെ ക്രൊ​യേ​ഷ്യ​ക്ക് ര​ണ്ട് മ​ത്സ​ര​ങ്ങ​ളി​ല്‍ നി​ന്ന് ഒ​രു പോ​യി​​ന്‍റുമാ​യി നാ​ലാം സ്ഥാ​ന​ത്തേ​ക്ക് വീ​ണു. അ​ല്‍​ബേ​നി​യ മൂ​ന്നാം സ്ഥാ​ന​ത്താ​ണ്. സ്പെയിൻ, ഇറ്റലി ടീമുകൾക്ക് മൂന്നു പോയന്‍റുണ്ട്.