ക്വാറി ഉമ ദീപുവിനെ കൊലപ്പെടുത്താന് ഉപയോഗിച്ച സര്ജ്ജിക്കല് ബ്ലേഡ് വില്പന നടത്തിയ സ്ഥാപനത്തിനെതിരേ ഡ്രഗ് കണ്ട്രേള് വിഭാഗം കേസെടുത്തു. ബ്രദേഴ്സ് സര്ജിക്കല്സ് എന്ന സ്ഥാപനം ലൈസന്സ് ഇല്ലാതെയാണ് പ്രവര്ത്തിച്ചിരുന്നതെന്ന് ഡ്രഗ്സ് കണ്ട്രോള് വിഭാഗം നടത്തിയ പരിശോധനയില് കണ്ടെത്തിയതിനെ തുടര്ന്നാണ് നടപടി. പ്രതി മലയം ചൂഴാറ്റുകോട്ട സ്വദേശി സജീകുമാര് എന്ന ചൂഴാറ്റുകോട്ട അമ്പിളിക്ക് സര്ജിക്കല് ബ്ലേഡും, ഗ്ലൗസും നല്കിയ സ്ഥാപന ഉടമ സുനില്കുമാര് ഇപ്പോള് ഒളിവിലാണ്.
സര്ജിക്കല് ബ്ലേഡ് ഉപയോഗിച്ചാണ് കൊലപാതകം നടത്തിയതെന്ന് പോലീസ് കണ്ടെത്തിയിരുന്നു. ഇതേ തുടര്ന്നാണ് ഡ്രഗ്സ് കണ്ട്രോള് വിഭാഗം പരിശോധന നടത്തിയത്. പാറശാലയ്ക്ക് പുറമേ നെയ്യാറ്റിന്കരയിലും ഇവരുടെ സ്ഥാപനം ലൈസന്സില്ലാതെ പ്രവര്ത്തിച്ചിരുന്നു. ഇരു സ്ഥാപനങ്ങള്ക്കുമെതിരെ കേസെടുത്തിട്ടുണ്ട്. സ്ഥാപനത്തിന്റെ പ്രവര്ത്തനം നിര്ത്തിവച്ചു. മെഡിക്കല് ഉപകരണങ്ങള് അനധികൃതമായി വില്പന നടത്തിയതിനാണ് കേസ്. തിരുവനന്തപുരം അസിസ്റ്റന്റ് ഡ്രഗസ് കണ്ട്രോള് ഓഫീസിലെ ഇന്സ്പെക്ടര്മാരായ എസ്.അജി, മൈമൂണ്ഖാന്, വി.എന്.സ്മിത, എം.പ്രവീണ് എന്നിവരാണ് പരിശോധനയ്ക്ക് നേതൃത്വം നല്കിയത്.
കഴിഞ്ഞ തിങ്കളാഴ്ച രാത്രിയാണ് ദീപുവിനെ കൊലപ്പെടുത്തിയത്. അമിത ശബ്ദത്തില് ഇരമ്പിച്ച് കൊണ്ട് റോഡരികില് നില്ക്കുന്നത് കണ്ട കാര് നാട്ടുകാര് പരിശോധിച്ചപ്പോഴാണ് ഡ്രൈവിങ് സീറ്റില് കഴുത്ത് മുറിഞ്ഞ നിലയില് മൃതദേഹം കണ്ടത്. കത്തിയും കണ്ടെത്തിയിരുന്നു. പുറകിലത്തെ സീറ്റില്നിന്ന് ഒരാള് ബാഗുമായി ഇറങ്ങിപ്പോകുന്ന സി.സി.ടി.വി ദൃശ്യങ്ങളും പൊലീസിനു ലഭിച്ചിരുന്നു. മണ്ണുമാന്തിയന്ത്രങ്ങളുടെ വര്ക്ക്ഷോപ്പും സ്പെയര് പാര്ട്സ് കടയും നടത്തുന്ന ആളാണ് ദീപു. മണ്ണുമാന്തിയന്ത്രം വാങ്ങാന് കോയമ്പത്തൂരിലേക്കു പോകുന്നുവെന്ന് പറഞ്ഞാണ് തിങ്കളാഴ്ച രാത്രി ഏഴരയോടെ ദീപു വീട്ടില്നിന്ന് ഇറങ്ങിയത്.