ലോകത്തിന്റെ ഏത് അറ്റത് പോയാലും അവിടെ ഒരു മലയാളി ഉണ്ടാകുമെന്ന് നമ്മൾ പറയാറില്ലേ. അത് സത്യമാണ്. ബ്രിട്ടനിലെ പൊതുതെരഞ്ഞെടുപ്പില് മലയാളി വിജയിച്ചു . ലേബര് പാര്ട്ടി സ്ഥാനാര്ത്ഥിയായി ആഷ്ഫോര്ഡ് മണ്ഡലത്തില് മത്സരിച്ച കോട്ടയം സ്വദേശി സോജന് ജോസഫ് വിജയിച്ചു. ബ്രിട്ടീഷ് മുന് ഉപപ്രധാനമന്ത്രിയും കണ്സര്വേറ്റീവ് പാര്ട്ടി സ്ഥാനാര്ത്ഥിയുമായ ഡാമിയന് ഗ്രീനിനെയാണ് സോജന് ജോസഫ് പരാജയപ്പെടുത്തിയത്.
നിലവില് എയില്സ്ഫോര്ഡിനെയും ഈസ്റ്റ് സ്റ്റോര് വാര്ഡിനെയും പ്രതിനിധീകരിക്കുന്ന ബറോ കൗണ്സിലറാണ് സോജന് ജോസഫ്. ഇന്ത്യയില് നഴ്സിങ് പഠനം പൂര്ത്തിയാക്കിയശേഷം 2001 ലാണ് സോജന് ഡോസഫ്, ജോലിക്കായി ബ്രിട്ടനിലെത്തുന്നത്. വില്യം ഹാര്വെ ഹോസ്പിറ്റലില് മാനസികാരോഗ്യ വിഭാഗത്തില്, മെന്റല് ഹെല്ത്ത് നഴ്സ് ആയിട്ടാണ് ജോലിയില് പ്രവേശിക്കുന്നത്.
തുടര്ന്ന് ആഷ്ഫോര്ഡിലേക്ക് മാറി. 2015 ലാണ് സോജന് ജോസഫ് ലേബര് പാര്ട്ടിയില് അംഗത്വമെടുക്കുന്നത്. 49 കാരനായ സോജന് ജോസഫ് കോട്ടയം കൈപ്പുഴ സ്വദേശിയാണ്. പൊതുവേ കണ്സര്വേറ്റീവുകള്ക്ക് ഭൂരിപക്ഷമുള്ള മണ്ഡലമാണ് ആഷ്ഫോര്ഡ്. അവിടെയാണ് മലയാളിയായ സോജന് മിന്നുംവിജയം കരസ്ഥമാക്കിയത്.