അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബിഗ്‌ബോസ് എന്ന ജനകീയ ടിവിഷോ പ്രേക്ഷകര്‍ക്ക് ഏറെ ഇഷ്ടമുള്ള പരിപാടിയാണ്. ഇതില്‍ പങ്കെടുക്കുന്ന മത്സരാര്‍ത്ഥികള്‍ക്ക് ആരാധകരും കുറവല്ല. ഇപ്പോള്‍ ചര്‍ച്ചയാകുന്നത്, ബിഗ്‌ബോസ് OTT 3 ഹൗസിനുള്ളില്‍ പാമ്പിനെ കണ്ടതാണ്. ഈ എന്റര്‍യെയിന്‍മെന്റ് ഷോ സസൂക്ഷ്മം വീക്ഷിക്കുന്ന ആരാധകര്‍ തന്നെയാണ് ബിഗ് ബോസ് OTT 3 ഹൗസിനുള്ളില്‍ ഒരു പാമ്പിനെ കണ്ടെത്തിയതും. ഇപ്പോള്‍ വൈറലായ പാമ്പിന്റെ വീഡിയോ ആരാധകര്‍ക്കിടയില്‍ ആശങ്ക പരത്തുന്നുണ്ട്. മത്സരാര്‍ത്ഥികളുടെ സുരക്ഷയെക്കുറിച്ച് ഗുരുതരമായ ചോദ്യങ്ങളാണ് ആരാധകര്‍ ഉയര്‍ത്തുന്നത്.
റിയാലിറ്റി ഷോയുടെ നിര്‍മ്മാതാക്കളില്‍ നിന്ന് ഉടന്‍ നടപടിയെടുക്കണമെന്ന് നെറ്റിസണ്‍സ് ആവശ്യപ്പെട്ടടുകയും ചെയ്തിട്ടുണ്ട്. ഈ വീഡിയോയില്‍, വീടിന്റെ പൂന്തോട്ട മേഖലയില്‍ ഒരു കറുത്ത പാമ്പ് തറയില്‍ ചരിഞ്ഞുകിടക്കുന്നതായി കാണുന്നുണ്ട്. ലവ്കേശ് കതാരിയ കൈകള്‍ കെട്ടി നിലത്ത് ഇരിക്കുന്നതും ക്ലിപ്പിലുണ്ട്. നിലവില്‍ സംഭവത്തെക്കുറിച്ച് അറിയാത്ത മത്സരാര്‍ത്ഥികള്‍ അവരുടെ ദൈനംദിന ജോലികളും ഇടപെടലുകളിലും മുഴുകിയിരിക്കുകയാണ്. ബിഗ് ബോസ് ഹൗസിനുള്ളിലെ സുരക്ഷയെ കുറിച്ചുള്ള ആകുലതകള്‍ ചോദ്യം ചെയ്ത് ഒരു ഉപയോക്താവ് എക്സില്‍ എഴുതിയത് ഇങ്ങനെയാണ്. ‘പാമ്പ് എങ്ങനെ വീടിനുള്ളില്‍ കയറും?. ഇത് ഗുരുതരമായ സുരക്ഷാ വീഴ്ചയാണ്.
നിര്‍മ്മാതാക്കള്‍ മത്സരാര്‍ത്ഥികളുടെ സുരക്ഷ ഉറപ്പാക്കേണ്ടതുണ്ട്. ഇത് അപകടകരമായ സാഹചര്യമാകാം. ലവ്കേശ് കതാരിയയും വിശാല്‍ പാണ്ഡേയും പൂന്തോട്ടത്തില്‍ ഉറങ്ങുമ്പോള്‍ ബിഗ് ബോസ് ഹൗസില്‍ പാമ്പ്?. ഇതെന്തൊരു അശ്രദ്ധയാണ്?. സുരക്ഷയ്ക്കാണ് മുന്‍തൂക്കം നല്‍കേണ്ടത്. TRP അല്ല! ഇത് അംഗീകരിക്കാനാവില്ല. മത്സരാര്‍ത്ഥികളെ ഗുരുതരമായ അപകടത്തിലാക്കുന്നുവെന്നും ആരാധകര്‍ പറയുന്നു. വീഡിയോ സോഷ്യല്‍ മീഡിയയില്‍ പ്രത്യക്ഷപ്പെട്ടതിന് തൊട്ടുപിന്നാലെ, ക്ലിപ്പ് എഡിറ്റ് ചെയ്തതാണെന്നും വീട്ടില്‍ പാമ്പുണ്ടായിരുന്നില്ലെന്നും ജിയോ സിനിമയുടെ ടീം പറയുന്നുണ്ട്.
എന്നാല്‍, പ്രേക്ഷകരും ആരാധകരും ഇത് വിശ്വസിച്ചിട്ടില്ല. ബിഗ് ബോസ് OTT 3-ന്റെ വിനോദവും നാടകീയതയും നിറഞ്ഞ സീസണില്‍ പാമ്പിനെ കണ്ടതോടെ ഭയത്തില്‍ നിഴല്‍ വീണിരിക്കുകയാണ്. ഈ വര്‍ഷം, സായ് കേതന്‍ റാവു, ചന്ദ്രിക ദീക്ഷിത്, നെയ്സി, സന സുല്‍ത്താന്‍, ലവേഷ് കടാരിയ, വിശാല്‍ പാണ്ഡേ, രണ്‍വീര്‍ ഷോറേ, അര്‍മാന്‍ മാലിക്, സന മക്ബുള്‍, ദീപക് ചൗരസ്യ, കൃതിക മാലിക്, ശിവാനി എന്നിവരാണ് ഷോയില്‍ പങ്കെടുക്കുന്നത്. പായല്‍ മാലിക്, ഗുസ്തി താരം നീരജ്, മുനിഷ ഖേത്വാനി, പൗലോമി ദാസ് എന്നിവരെ ഷോയില്‍ നിന്ന് പുറത്താക്കുകയും ചെയ്തിട്ടുണ്ട്.
പാമ്പ് തന്നെ കടിച്ചേക്കാമെന്ന ഭയത്തില്‍ നിരവധി കാഴ്ചക്കാരും അസ്വസ്ഥരാണ്. ജൂണ്‍ 21 ന് ഷോ ആരംഭിച്ചതു മുതല്‍ അരങ്ങേറിയ നാടകീയതയിലേക്ക് ഈ സംഭവത്തെും ചേര്‍ക്കാനാണ് സംഘാടകര്‍ ആഗ്രഹിക്കുന്നത്. പുതിയ അവതാരകനായ അനില്‍ കപൂര്‍ തന്റെ പ്രകടനത്തിലൂടെ പ്രേക്ഷകരെ ആകര്‍ഷിച്ചിട്ടുണ്ട്. ഷോ അതിവേഗം പ്രശസ്തിയിലേക്ക് നീങ്ങുകയാണ്. ഷോയിലെ ഇവന്റുകളുടെ തീവ്രത കൊണ്ട് പലരെയും അത്ഭുതപ്പെടുത്തുന്നുമുണ്ട്.
പിരിമുറുക്കം കൂടുകയും പാമ്പ് സംഭവം പോലുള്ള അപ്രതീക്ഷിത സംഭവങ്ങള്‍ ഉണ്ടാകുകയും ചെയ്യുമ്പോള്‍, ബിഗ് ബോസ് OTT 3 യില്‍ അടുത്തതായി എന്ത് സംഭവിക്കുമെന്ന് ആരാധകര്‍ ആകാംക്ഷയോടെ ഉറ്റുനോക്കുന്നുണ്ട്. ബിഗ് ബോസ് OTT സീസണ്‍ 3 വിവാദങ്ങളുടെയും ചൂടേറിയ വാദങ്ങളുടെയും തന്ത്രപരമായ നോമിനേഷനുകളുടെയും ദൈനംദിന യുദ്ധക്കളമാണ്. പിരിമുറുക്കം കൂടുകയും സഖ്യങ്ങള്‍ മാറുകയും ചെയ്യുന്നതോടെ, ഓരോ എപ്പിസോഡും കാഴ്ചക്കാര്‍ക്ക് പുതിയ ട്വിസ്റ്റുകള്‍ നല്‍കുന്നുവെന്നാണ് സംഘാടകര്‍ പറയുന്നത്.
CONTENT HIGHLIGHTS;Snake inside Bigg Boss OTT3 house; Exploding fans, the organizers say it is not original
