അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഉത്തരാഖണ്ഡിലെ മംഗലൂര്‍ നിയമസഭ മണ്ഡലത്തിലെ ഉപതെരഞ്ഞെടുപ്പിന്റെ വോട്ടെടുപ്പിനിടെ ലിബ്ബര്‍ഹേരി ഗ്രാമത്തിലെ രണ്ടു ബൂത്തുകളിൽ സംഘർഷാവസ്ഥ. രാവിലെ 8:30 ഓടെ ഭാരതീയ ജനതാ പാര്‍ട്ടി (ബിജെപി) പ്രവര്‍ത്തകര്‍ വോട്ടിംഗ് തടസ്സപ്പെടുത്തുകയും വോട്ടുചെയ്യുന്നത് തടയാന്‍ മുസ്ലീങ്ങളെ ലാത്തികൊണ്ട് അടിക്കുകയും ചെയ്തുവെന്ന് പ്രദേശവാസികള്‍ ആരോപിച്ചു. ലിബ്ബര്‍ഹേരി ഗ്രാമത്തിലെ 53-54 ബൂത്തിലാണ് സംഘര്‍ഷാവസ്ഥ ഉണ്ടായതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. മംഗലൂര്‍, ബദരീനാഥ് നിയമസഭാ മണ്ഡലങ്ങളിലേക്കാണ് വോട്ടെടുപ്പ് നടന്നത്. മുസ്ലീം, ദലിത് വിഭാഗത്തില്‍പ്പെട്ട പതിനഞ്ചോളം പേര്‍ രാവിലെ വോട്ട് ചെയ്യാന്‍ പോയപ്പോള്‍ റോഡിന്റെ മറുവശത്ത് നാല് ബിജെപി പ്രവര്‍ത്തകര്‍ തോക്കുകളുമായി എത്തിയതായി നാട്ടുകാര്‍ ആരോപിക്കുന്നു. അവര്‍ നാല് മുസ്ലീങ്ങളെ വടിയും ലാത്തിയും ഉപയോഗിച്ച് പരിക്കേല്‍പ്പിച്ചു, ബിജെപി പ്രവര്‍ത്തകര്‍ അവരെയും മറ്റുള്ളവരെയും വോട്ട് ചെയ്യാന്‍ അനുവദിച്ചില്ല. ക്യൂവില്‍ നില്‍ക്കുവര്‍ക്കു നേരെ ആക്രോശിച്ചു, എല്ലാവരും പോലീസിന്റെ സാന്നിധ്യത്തിലായിരുന്നുവെന്ന് മംഗലൂര്‍ നിവാസിയായ ഖാദിര്‍ ഖാന്‍ പറഞ്ഞു. ബിജെപി പ്രവര്‍ത്തകര്‍ ആകാശത്തേക്ക് 13 റൗണ്ട് വെടിയുതിര്‍ത്തതായി ഖാന്‍ ആരോപിച്ചു. കോണ്‍ഗ്രസ് സ്ഥാനാര്‍ത്ഥി ഖാസി നിസാമുദ്ദീന്റെ സഹോദരന്‍ ഹുസൈന്‍ അലിയാണ് ഇക്കാര്യം സ്ഥിരീകരിച്ചത്. സ്ഥലത്ത് സമാധാനം പുനഃസ്ഥാപിച്ചുവെന്നാണ് പോലീസ് പറഞ്ഞു. ലാത്തികള്‍ കൊണ്ട് അടികിട്ടിയ നാലുപേരെ ഗുരുതരമായി പരിക്കേറ്റ് റൂര്‍ക്കിയിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. ‘വോട്ട് ദാലോഗേ തോ ഐസെ ഹൈ മാര്‍നേഗെ’. (നിങ്ങള്‍ വോട്ട് ചെയ്താല്‍ നിങ്ങളെ ഇങ്ങനെയാണ് അടിക്കുക). എന്ന് ബിജെപി പ്രവര്‍ത്തകര്‍ പറഞ്ഞതായി ഖാന്‍ ദേശീയ മാധ്യമത്തിന് നല്‍കിയ അഭിമുഖത്തില്‍ പറഞ്ഞു.
കഴിഞ്ഞ ഒക്ടോബറില്‍ ബഹുജന്‍ സമാജ് പാര്‍ട്ടി എംഎല്‍എ സര്‍വത് കരീം അന്‍സാരിയുടെ മരണത്തെ തുടര്‍ന്നാണ് മംഗലൂര്‍ മണ്ഡലത്തില്‍ ഉപതെരഞ്ഞെടുപ്പ് വേണ്ടിവന്നത്. ഈ മണ്ഡലത്തില്‍ കര്‍താര്‍ സിംഗ് ഭദാനയാണ് ബിജെപി സ്ഥാനാര്‍ത്ഥി, കോണ്‍ഗ്രസിന്റെ ഖാസി നിസാമുദ്ദീന്‍ അതേ സീറ്റില്‍ മത്സരിക്കുമ്പോള്‍ ബിഎസ്പി ഉബ്ദദുര്‍ റഹ്‌മാനെയാണ് മത്സരിപ്പിക്കുന്നത്. സംഭവസ്ഥലത്ത് പോലീസ് സഹായിക്കുകയോ നടപടി സ്വീകരിക്കുകയോ ചെയ്തില്ലെന്നും നാട്ടുകാര്‍ ആരോപിച്ചു. സംഭവം വിവരിക്കുന്ന പ്രാദേശിക വോട്ടര്‍മാരുടെ വീഡിയോയും ഇപ്പോള്‍ ഫെയ്‌സ്ബുക്കില്‍ വൈറലാണ്. പാവപ്പെട്ടവര്‍ക്ക് വോട്ട് ചെയ്യാന്‍ കഴിഞ്ഞില്ലെങ്കില്‍ എന്ത് ചെയ്യും? പാവങ്ങള്‍ക്ക് എങ്ങനെ ഉത്തരം നല്‍കണമെന്ന്’ ഒരു നാട്ടുകാര്‍ പറയുന്നത് വീഡിയോയില്‍ കേള്‍ക്കാം. പോലീസ് എത്തി മുഖ്യപ്രതിയായ പ്രധാനനെ സ്ഥലം വിട്ട് പോളിംഗ് സമാധാനപരമായി പുനരാരംഭിക്കുകയായിരുന്നുവെന്ന് സ്ഥലത്തുണ്ടായിരുന്ന ഖാദര്‍ പറഞ്ഞു.
मंगलौर विधानसभा उपचुनाव के दौरान ग्राम लिब्बरहेड़ी में बूथ के बाहर दो पक्षों के बीच मतदान को लेकर बहस व मारपीट में घायलों का इलाज अस्पताल में जारी है। बूथ पर फायरिंग की सूचना पूर्ण रूप से तथ्यहीन है। मौके पर पर्याप्त पुलिस बल मौजूद है। मतदान सुचारू व शांतिपूर्वक चल रहा है। pic.twitter.com/21xAQ1ee4B
— Uttarakhand Police (@uttarakhandcops) July 10, 2024
ഞങ്ങള്‍ കൃത്യസമയത്ത് സ്ഥലത്തെത്തി, ഞങ്ങള്‍ ജനക്കൂട്ടത്തെ പിരിച്ചുവിട്ടുവെന്നാണ് പോലീസ് പറയുന്നത്. ഇപ്പോള്‍ സമാധാനം പുനഃസ്ഥാപിച്ചിരിക്കുന്നു.വാസ്തവത്തില്‍, അക്രമം നടന്ന് മണിക്കൂറുകള്‍ക്ക് ശേഷം, ഉത്തരാഖണ്ഡ് പോലീസ് എക്സില്‍ പോസ്റ്റ് ചെയ്തു. മംഗലൂര്‍ നിയമസഭാ ഉപതെരഞ്ഞെടുപ്പിനിടെ, ലിബ്ബര്‍ഹേരി ഗ്രാമത്തിലെ ബൂത്തിന് പുറത്ത് വോട്ട് ചെയ്യുന്നതിനെച്ചൊല്ലി ഇരുപാര്‍ട്ടികളും തമ്മിലുള്ള തര്‍ക്കത്തിലും വാക്കേറ്റത്തിലും പരിക്കേറ്റവര്‍ ആശുപത്രിയില്‍ ചികിത്സയിലാണ്. ബൂത്തില്‍ വെടിയുതിര്‍ത്തെന്ന വിവരം തീര്‍ത്തും അടിസ്ഥാനരഹിതമാണ്. മതിയായ പോലീസ് സന്നാഹം നിലവിലുണ്ട്. സ്ഥലത്ത് തന്നെ വോട്ടെടുപ്പ് സുഗമമായും സമാധാനപരമായും നടക്കുന്നു.
