അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: നടന്‍ ആസിഫ് അലിയെ അപമാനിച്ച സംഭവത്തില്‍ രമേശ് നാരായണനെതിരെ രൂക്ഷ വിമര്‍ശനവുമായി സംവിധായകന്‍ ആലപ്പി അഷറഫ്. കലാമണ്ഡലം സത്യഭാമ, കലാഭവൻ മണിയുടെ അനുജനോട് കാട്ടിയ അതേ മനോഭാവമാണ് രമേശ് നാരായണനെന്ന് ആലപ്പി അഷറഫ് പറഞ്ഞു. ആമയിഴഞ്ചാൻ തോട്ടിലുള്ളതിനെക്കാൾ മാലിന്യം നിറഞ്ഞ മനസ്സാണ് രമേശ് നാരായണനെന്നും അദ്ദേഹം ഫേസ്ബുക്ക്‌ പോസ്റ്റില്‍ കുറിച്ചു.
ആലപ്പി അഷറഫിന്‍റെ ഫേസ്ബുക്ക്‌ പോസ്റ്റ്‌
കലാമണ്ഡലംകാരി കലാഭവൻ മണിയുടെ അനുജനോട്കാട്ടിയ അതേ മനോഭാവം.
ആമയിഴഞ്ചാൻ തോട്ടിലുള്ളതിനെക്കാൾ
മാലിന്യം നിറഞ്ഞ മനസ്സാണ് അയാൾക്ക് .
ഹിന്ദുസ്ഥാനി സംഗീതത്തിൽ നിന്നും ഒരു അപസ്വരം
വകതിരിവ് വട്ടപ്പൂജ്യമായിട്ടുള്ള രമേശ് നാരായണൻ
സിനിമയ്ക്ക് മാത്രമല്ല സാംസ്കാരിക ലോകത്തിനു തന്നെ അപമാനമാണ് .
വീഡിയോ കണ്ടവരെ വിഡ്ഢികളാക്കിക്കൊണ്ടു്, മാപ്പു പറച്ചിലിൽ പോലും മാന്യത പുലർത്താതെ പച്ചക്കള്ളം പറയുന്നു.
“ആസിഫിനെ മുതുകത്ത് തട്ടി തലോടി” എന്നൊക്കെ.
അല്പത്തരവും ധാർഷ്ട്യവും കാണിച്ചവരെല്ലാം മലാളികളുടെ മനസ്സിൽ എന്നും ഒറ്റപ്പെട്ട ചരിത്രമേയുള്ളു.
അവഹേളിക്കപ്പെട്ട നിമിഷത്തിൽ ആദ്യമൊന്ന് അന്ധാളിച്ചു എങ്കിലും വളരെ പക്വതയോടെ, വിനയത്തിൻ്റെ ഒരു ചെറു പുഞ്ചിരിയോടെ ആ അല്പന് മറുപടി കൊടുത്തു ആസിഫ് .
വെറുപ്പിന്റെയും
വേർതിരിവ്വിന്റെയും വക്താക്കൾക്കിടയിൽ ,നമുക്ക് സ്നേഹത്തിൻ്റെയും സാഹോദര്യത്തിൻ്റെയും സന്ദേശം പകരാം.ആലപ്പി അഷറഫ്
