അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഫുട്‌ബോളില്‍ ഇതിഹാസം രചിക്കുന്ന രണ്ടു കളിക്കാരാണ് ലെയണല്‍ മെസ്സിയും ക്രിസ്റ്റിയാനോ റൊണാള്‍ഡോയും. വാങ്ങുന്ന പ്രതിഫലത്തിലും, ആരാധകരുടെ ബാഹുല്യത്തിലും, മൈതാനത്തിലെ ഗോള്‍വേട്ടയിലും ഇരുവരും കട്ടയ്ക്കു കട്ടയാണ്. എങ്കിലും ഒരുപണത്തൂക്കം മുമ്പില്‍ മെസ്സിയാണെന്നു പറയാതെ വയ്യ. കളിയുടെ സൗന്ദര്യം കൊണ്ട് മെസ്സിയെ ഡ്രിബിള്‍ ചെയ്യാന്‍ റൊണാള്‍ഡോക്കാവില്ല. എന്നാല്‍, ആക്രമണോത്സുകതയിലും ഹൈ ബോളുകളെ തലകൊണ്ട് ഗോള്‍വലയില്‍ എത്തിക്കുന്നതിലും റൊണാള്‍ഡോക്ക് എതിരില്ല. എങ്കിലും മെസ്സിയോളം വരില്ല റൊണാള്‍ഡോ എന്നാണ് ഇ.എസ്.പി.എന്‍ നടത്തിയ വോട്ടിംഗില്‍ തെളിഞ്ഞിരിക്കുന്നത്. മെസ്സിയുടെ അടുത്തെങ്ങും നില്‍ക്കാന്‍ റൊണാള്‍ഡോക്ക് കഴിഞ്ഞതുമില്ല.
ഇരുപത്തൊന്നാം നൂറ്റാണ്ടിലെ ഏറ്റവും മികച്ച 25 അത്‌ലറ്റുകള്‍ ആരൊക്കെയാണെന്ന് കണ്ടെത്താനായിരുന്നു വോട്ടിംഗ് നടത്തിയത്. ഇതില്‍ മൂന്നാമത്തെ കായികതാരമായി ലയണല്‍ മെസ്സിയെ തിരഞ്ഞെടുത്തു. പട്ടികയില്‍ ക്രിസ്റ്റ്യാനോ റൊണാള്‍ഡോ പതിമൂന്നാമനാണ്. 70,000 ലധികം ESPN വായനക്കാര്‍ ഏറ്റവും മികച്ച അത്ലറ്റിനെ തീരുമാനിക്കാന്‍ വോട്ട് രേഖപ്പെടുത്തിയിരുന്നു. ഫുട്ബോള് ആരാധകര്‍ക്ക് മെസ്സി ആദ്യ രണ്ടു സ്ഥാനങ്ങളില്‍ എത്താത്തതില്‍ വലിയ വിഷമം ഉണ്ട്. എന്നാല്‍, ക്രിസ്റ്റിയാനോ റൊണാള്‍ഡോയുടെ പതിമൂന്നാം സ്ഥാനം കാണുമ്പോഴാണ് മെസ്സി ആരാധകര്‍ക്ക് ആശ്വാസം ആകുന്നത്.
നൂറ്റാണ്ടിലെ മികച്ച അത്‌ലറ്റുകളുടെ പട്ടിക ?
1) മൈക്കല്‍ ഫെല്പ്സ്
2) സെറീന വില്യംസ്
3) ലയണല്‍ മെസ്സി
4) ലെബ്രോണ്‍ ജെയിംസ്
5) ടോം ബ്രാഡി
6) റോജര്‍ ഫെഡറര്‍
7) സിമോണ്‍ ബൈല്‍സ്
8) ടൈഗര്‍ വുഡ്സ്
9) ഉസൈന്‍ ബോള്‍ട്ട്
10) കോബി ബ്രയാന്റ്
11) നൊവാക് ജോക്കോവിച്ച്
12) റാഫേല്‍ നദാല്‍
13) ക്രിസ്റ്റ്യാനോ റൊണാള്‍ഡോ
14) സ്റ്റെഫ് കറി
15) കാറ്റി ലെഡെക്കി
16) ടിം ഡങ്കന്‍
17) ഷാക്കിള്‍ ഒ നീല്‍
18) പാട്രിക് മഹോംസ്
19) ലൂയിസ് ഹാമില്‍ട്ടണ്‍
20) ആരോണ്‍ ഡൊണാള്‍ഡ്
21) ഡയാന ടൗരാസി
22) സിഡ്‌നി ക്രോസ്ബി
23) കെവിന്‍ ഗാര്‍നെറ്റ്
24) ആല്‍ബര്‍ട്ട് പുജോള്‍സ്
25) ഫ്‌ളോയ്ഡ് മെയ്വെതര്‍ ജൂനിയര്‍
ഒരു ലോകകപ്പ്, രണ്ട് കോപ്പ അമേരിക്ക, റെക്കോര്‍ഡ് എട്ട് ബാലണ്‍ ഡി ഓര്‍, നാല് ചാമ്പ്യന്‍സ് ലീഗ്, ബാഴ്സലോണ, പി.എസ്.ജി എന്നിവയ്ക്കൊപ്പം 12 ലീഗ് കിരീടങ്ങള്‍ നേടിയ മെസ്സിക്ക് മറ്റ് രണ്ട് പേരുകള്‍ക്ക് പിന്നില്‍ തൃപ്തിപ്പെടേണ്ടി വന്നു. 23 ഗ്രാന്‍ഡ്സ്ലാം കിരീടങ്ങള്‍ നേടിയ സെറീന വില്യംസാണ് രണ്ടാം സ്ഥാനത്ത്. നീന്തല്‍ താരമെന്ന നിലയില്‍ അഞ്ച് ഗെയിംസുകളിലായി 28 ഒളിമ്പിക് മെഡലുകള്‍ – അതില്‍ 23 സ്വര്‍ണം – റെക്കോര്‍ഡ് നേടിയ മൈക്കല്‍ ഫെല്പ്സ് ആണ് ഒന്നാമത്. ടൈഗര്‍ വുഡ്സ്, സിമോണ്‍ ബൈല്‍സ്, ഉസൈന്‍ ബോള്‍ട്ട് എന്നിവരെ പിന്തള്ളി പട്ടികയില്‍ 13-ാം സ്ഥാനം കൊണ്ട് തൃപ്തിപ്പെടാനേ റൊണാള്‍ഡോക്ക് സാധിച്ചുള്ളൂ.
അഞ്ച് ബാലണ്‍ ഡി ഓര്‍ ട്രോഫികളും അഞ്ച് ചാമ്പ്യന്‍സ് ലീഗ് കിരീടങ്ങളും ഏഴ് ലീഗുകളും ഒരു യൂറോപ്യന്‍ ചാമ്പ്യന്‍ഷിപ്പും നേടിയ എക്കാലത്തെയും മികച്ച കളിക്കാരനാണ് അദ്ദേഹം എന്ന് ആരാധകര്‍ വിശ്വസിക്കുന്നുണ്ടെങ്കിലും മെസ്സിക്കു പിന്നില്‍ തന്നെയാണ് സ്ഥാനമെന്ന് വിധിയെഴുതി. 17 ബേസ്‌ബോള്‍ കളിക്കാരും 15 ‘സോക്കര്‍’ താരങ്ങളുടെയും പേരുകള്‍ വോട്ടിംഗില്‍ ഉണ്ടായിരുന്നു. മികച്ച 100 ബാസ്‌ക്കറ്റ് ബോളര്‍മാരില്‍ 24 ബാസ്‌ക്കറ്റ്ബോളര്‍മാരുടെ പേരുകളാണ് വോട്ടിംഗില്‍ ഉള്‍പ്പെടുത്തിയത്. ആദ്യ 25 ലേക്ക് കടന്ന ഏക ബോക്‌സറാണ് ഫ്ളോയിഡ് മെയ്വെതര്‍ ജൂനിയര്‍.
ഇദ്ദേഹത്തിന് 1996നും 2017നും ഇടയില്‍ 50-0 റെക്കോഡുകളാണുള്ളത്. 25-ാമനായിട്ടാണ് അദ്ദേഹത്തെ പ്രേക്ഷകര്‍ തെരഞ്ഞെടുത്തത്. ബ്രിട്ടീഷ് അത്ലറ്റ് ലൂയിസ് ഹാമില്‍ട്ടണ്‍ 19-ാം സ്ഥാനത്താണ്. ഒരു ബ്രിട്ടീഷ് അത്ലറ്റ് മാത്രമാണ് ആദ്യ 25ല്‍ ഇടം നേടിയത്. അദ്ദേഹം ഏഴ് ഫോര്‍മുല വണ്‍ കിരീടങ്ങളുടെ സംയുക്ത റെക്കോര്‍ഡിന് അര്‍ഹനായിരുന്നു. ആദ്യ 100ല്‍ 56 അമേരിക്കക്കാരുണ്ട്. ഫെല്പ്സ്, വില്യംസ്, മെസ്സി എന്നിവര്‍ക്ക് താഴെയുള്ള ആദ്യ അഞ്ച് അത്ലറ്റുകളില് ലെബ്രോണ്‍ ജെയിംസും ടോം ബ്രാഡിയുമുണ്ട്.
വമ്പന്‍ വിജയങ്ങള്‍ നേടിയിട്ടും ക്രിസ്റ്റ്യാനോ റൊണാള്‍ഡോയ്ക്ക് വോട്ടെടുപ്പില്‍ 13-ാം സ്ഥാനത്തെത്താനേ കഴിഞ്ഞുള്ളൂ എന്നത് ദുഖകരമാണ്. ഫുട്‌ബോളില്‍, മെസ്സിക്കും റൊണാള്‍ഡോയ്ക്കും പിന്നില്‍ അടുത്ത ഏറ്റവും ഉയര്‍ന്ന താരം മാര്‍ട്ടയാണ് (32-ാമന്‍). തന്റെ കരിയറില്‍ ആറ് തവണ ഫിഫ വേള്‍ഡ് പ്ലെയര്‍ ഓഫ് ദ ഇയര്‍ ആയി തിരഞ്ഞെടുക്കപ്പെട്ട ബ്രസീലിയന്‍ വനിതാ താരം.
എന്നാല്‍, നിരവധി പ്രഗത്ഭ ഫുട്ബോള് താരങ്ങളേക്കാള്‍ മുന്നിലാണ് മാള്‍ട്ട. തിയറി ഹെന്റി (48), ഐറ്റാന ബോണ്‍മതി (49), സിനദീന്‍ സിദാന്‍ (50), ലൂക്കാ മോഡ്രിച്ച് (55), അലക്‌സിയ പുറ്റെല്ലസ് (56), മിയ ഹാം (64), കിലിയന്‍ എംബാപ്പെ (65) എന്നിവരെക്കാള്‍ മുന്നിലെത്തി. ആന്ദ്രെ ഇനിയേസ്റ്റ (70), സാവി (75), റൊണാള്‍ഡോ നസാരിയോ (87), റൊണാള്‍ഡീഞ്ഞോ (94), സ്ലാറ്റന്‍ ഇബ്രാഹിമോവിച്ച് (95) എന്നിവരാണ് റാങ്കിംഗില്‍ താഴെ. കാക്ക, ഇകര്‍ കാസില്ലാസ്, നീല്‍ മൗപേ എന്നിവരെപ്പോലുള്ള കളിക്കാര്‍ക്ക് പട്ടികയില്‍ ഇടംപിടിക്കാനേ കഴിഞ്ഞിട്ടില്ല.
CONTET HIGHLIGHTS;Will Ronaldo be as good as Messi? : Below Ronaldo Messi in Top 25 Athletes of the Century?
